കോഴിക്കോട്: ഹേമചന്ദ്രൻ കൊലപാതകത്തിൽ പുതിയ വഴിത്തിരിവുണ്ടാക്കി ഫേസ്ബുക്ക് ലൈവിലൂടെ പ്രതികരിച്ച് കേസിലെ മുഖ്യപ്രതി നൗഷാദ്. ഹേമചന്ദ്രന്റേത് കൊലപാതകമല്ല, ആത്മഹത്യ ആണെന്നാണ് നൗഷാദ് വീഡിയോയിൽ പറയുന്നത്. വിദേശത്ത് നിന്ന് പങ്കുവെച്ച വീഡിയോയിലാണ് നൗഷാദിന്റെ പ്രതികരണം. താൻ ഒളിച്ചോടിയതല്ലെന്നും രണ്ടുമാസത്തെ വിസിറ്റിംഗ് വിസയിൽ ഗൾഫിൽ എത്തിയതാണ്, വിദേശത്തേക്ക് പോകുന്നത് പൊലിസിന് അറിയാമെന്നും നൗഷാദ് പറയുന്നു. തിരിച്ചുവന്നാൽ ഉടൻ പൊലിസിനു മുന്നിൽ ഹാജരാകുമെന്നും നൗഷാദ് അറിയിച്ചു.

നിരവധി പേർക്ക് ഹേമചന്ദ്രൻ പണം നൽകാൻ ഉണ്ടായിരുന്നു. തങ്ങൾ കൊല്ലപ്പെടുത്തിയത് അല്ല. ആത്മഹത്യ ചെയ്യുകയായിരുന്നു. ആത്മഹത്യ ചെയ്തതിനാൽ മൃതദേഹം കുഴിച്ചിടുകയായിരുന്നുവെന്നും മൃതദേഹം റീ പോസ്റ്റുമോർട്ടം ചെയ്യണമെന്നും പ്രതി നൗഷാദ് ആവശ്യപ്പെട്ടു. ഇതിനിടെ, നൗഷാദിനെ വിദേശത്ത് നിന്നും നാട്ടിൽ എത്തിക്കാനുള്ള ശ്രമം തുടങ്ങിയതായാണ് പൊലിസ് പറയുന്നത്.

ALSO READ: കൊടിഞ്ഞി ഫൈസല്‍ വധം: വിചാരണ ആരംഭിച്ചു; വിചാരണ, നടപടി ഒമ്പത് വര്‍ഷത്തിന് ശേഷം, പ്രതികള്‍ 16 ആര്‍.എസ്.എസ്, വി.എച്ച്.പി പ്രവര്‍ത്തകര്‍

കൊലപാതകം തന്നെയാണെന്നാണ് പൊലിസിന്റെ കണ്ടെത്തൽ. നൗഷാദുമായുള്ള സാമ്പത്തിക ഇടപാടുകളാണ് കൊലപാതകത്തിലേക്ക് നയിച്ചതെന്ന് പൊലിസ് പറയുന്നു. കള്ളപ്പണ ഇടപാടുകളും വാഹന മോഷണവും അടക്കമുള്ള വിവിധ ഇടപാടുകൾ കൊലപാതകത്തിന് പിന്നിൽ ഉണ്ടെന്നാണ് പൊലിസിൻറെ കണക്കുകൂട്ടൽ. കേസിൽ അന്വേഷണം വഴി തിരിച്ചുവിടാൻ പ്രതികൾ വലിയ ആസൂത്രണം നടത്തി. ഹേമചന്ദ്രന്റെ ഫോൺ പ്രതികൾ ഗുണ്ടൽപേട്ടിൽ എത്തിച്ചു സ്വിച്ച് ഓൺ ആക്കിയെന്നും പൊലിസ് പറയുന്നു. ഹേമചന്ദ്രൻ കർണാടകയിൽ ഉണ്ടെന്ന് വരുത്തിത്തീർക്കാനായിരുന്നു ഇങ്ങനെ ചെയ്തത്. എന്നാൽ ഈ ഫോണിലേക്ക് ഒരിക്കൽ കോൾ കണക്ടായപ്പോൾ ഹേമചന്ദ്രന്റെ മകൾക്കുണ്ടായ സംശയമാണ് കേസിൽ വഴിത്തിരിവായത്.

2024 മാർച്ചിലാണ് പ്രതികൾ ഹേമചന്ദ്രനെ കൊലപ്പെടുത്തിയത്. നൗഷാദിൻറെ അയൽപക്കത്തുള്ള ആളൊഴിഞ്ഞ വീട്ടിലെത്തിച്ച് ക്രൂരമായി ഉപദ്രവിച്ചാണ് ഹേമചന്ദ്രനെ കൊലപ്പെടുത്തിയതെന്നാണ് പൊലീസ് പറയുന്നത്. ശരീരത്തിൽ ഗുരുതര പരിക്കുകളുണ്ടായിരുന്നു. മൃതദേഹം വനത്തിൽ കുഴിച്ചുമൂടിയ നിലയിലായിരുന്നു. 

In a major twist in the Hemachandran murder case, the key accused, Noushad, has responded via a Facebook Live video. According to Noushad, Hemachandran’s death was not a murder but a suicide. He shared the video from abroad, claiming he did not abscond but had legally traveled to the Gulf on a two-month visiting visa. Noushad also stated that the police were informed about his travel and assured that he would surrender to the authorities upon his return.