HOME
DETAILS

വിജയത്തില്‍ മിന്നിത്തിളങ്ങി വയനാട് ഹയര്‍സെക്കന്‍ഡറി പരീക്ഷയില്‍ വയനാടിന് 85.35 ശതമാനം വിജയം

  
backup
May 15 2017 | 21:05 PM

%e0%b4%b5%e0%b4%bf%e0%b4%9c%e0%b4%af%e0%b4%a4%e0%b5%8d%e0%b4%a4%e0%b4%bf%e0%b4%b2%e0%b5%8d%e2%80%8d-%e0%b4%ae%e0%b4%bf%e0%b4%a8%e0%b5%8d%e0%b4%a8%e0%b4%bf%e0%b4%a4%e0%b5%8d%e0%b4%a4%e0%b4%bf%e0%b4%b3



കല്‍പ്പറ്റ: ഹയര്‍സെക്കന്‍ഡറി പ്ലസ്പരീക്ഷയില്‍ വയനാടിന് 85.35 ശതമാനം വിജയം. കഴിഞ്ഞ വര്‍ഷത്തേക്കാള്‍ നേരിയ വിജയശതമാനം കൂടുതലാണിത്.
2016ല്‍ 84.13 ശതമാനമായിരുന്നു ജയം. ഇത്തവണ 8854 വിദ്യാര്‍ഥികള്‍ പരീക്ഷ എഴുതിയതില്‍ 7557 പേര്‍ ഉപരിപഠനത്തിന് അര്‍ഹരായി. 280 പേര്‍ക്ക് മുഴുവന്‍ വിഷയങ്ങള്‍ക്കും എപ്ലസ് ലഭിച്ചു. 10പേര്‍ മുഴുവന്‍ മാര്‍ക്കായ 1200ഉം നേടി.
വയനാട്ടില്‍ മൊത്തം 60 ഹയര്‍സെക്കന്‍ഡറി സ്‌കൂളുകളാണുള്ളത്. ഇതില്‍ നൂറുമേനി ഒരു സ്‌കൂളിനുമില്ല. ഓപ്പണ്‍ സ്‌കൂള്‍ വിഭാഗത്തില്‍ 2030പേര്‍ പരീക്ഷ എഴുതി. 604പേര്‍ ഉപരിപഠന യോഗ്യത നേടി. ഈ വിഭാഗത്തില്‍ 29.75 ശതമാനമാണ് വിജയം. 2016ല്‍ 254 കുട്ടികളാണ് മുഴുവന്‍ വിഷയത്തിനും എപ്ലസ് നേടിയത്.
ഇത്തവണ അത് 280 ആയി വര്‍ധിച്ചു. മുഴുവന്‍ മാര്‍ക്കായ 1200ഉം നേടി വയനാടിന് അഭിമാനമായത് നാലു സ്‌കൂളുകളില്‍ നിന്നുള്ള 10 കുട്ടികളാണ്. മീനങ്ങാടി ജി.എച്ച്.എസ്.എസ്, പിണങ്ങോട് ഡബ്ല്യൂ.ഒ.എച്ച്.എസ്.എസ് എന്നിവിടങ്ങളിലെ നാലുവീതം കുട്ടികളും വിജയ എച്ച്.എസ്.എസ് പുല്‍പ്പള്ളി, ബത്തേരി സെന്റ് മേരീസ് കോളജ് ഹയര്‍സെക്കന്‍ഡറി സ്‌കൂള്‍ എന്നിവിടങ്ങളിലെ ഓരോ കുട്ടികളുമാണ് മുഴുവന്‍ മാര്‍ക്കും നേടിയത്.
വിജയികളുടെ പേര് ചുവടെ: ആഷിഖ് ജോയി, കെ.വി അന്നമരിയ, അഞ്ജിത ഷിബു, അപര്‍ണ മോഹന്‍( മീനങ്ങാടി ജി.എച്ച്.എസ്.എസ്), വിശ്വനാഥ് എസ് കൃഷ്ണ(വിജയ എച്ച്.എസ്.എസ് പുല്‍പ്പള്ളി), അഭയ് കൃഷ്ണ, ജെ ദീക്ഷിത്, എം രാഹുല്‍, അനൂപ ഹരീഷ്(പിണങ്ങോട് ഡബ്ല്യൂ.ഒ.എച്ച്.എസ്.എസ്), ഷെര്‍ളിന്‍ മാത്യു(സെന്റ് മേരീസ് കോളജ് ഹയര്‍സെക്കന്‍ഡറി സ്‌കൂള്‍ സുല്‍ത്താന്‍ ബത്തേരി).




Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."