HOME
DETAILS

പ്രളയമേഖലയില്‍ കുട്ടികള്‍ക്ക് ആത്മവിശ്വാസം നല്‍കാന്‍ ഹോപ് പദ്ധതി

  
backup
September 15 2018 | 19:09 PM

%e0%b4%aa%e0%b5%8d%e0%b4%b0%e0%b4%b3%e0%b4%af%e0%b4%ae%e0%b5%87%e0%b4%96%e0%b4%b2%e0%b4%af%e0%b4%bf%e0%b4%b2%e0%b5%8d%e2%80%8d-%e0%b4%95%e0%b5%81%e0%b4%9f%e0%b5%8d%e0%b4%9f%e0%b4%bf%e0%b4%95%e0%b4%b3

 

തിരുവനന്തപുരം: പഠനത്തില്‍ പിന്നാക്കം നില്‍ക്കുന്ന കുട്ടികള്‍ക്ക് ആത്മവിശ്വാസം നല്‍കി അവരുടെ പഠനമികവ് വര്‍ധിപ്പിക്കാനുള്ള ഹോപ് പദ്ധതി ഈ വര്‍ഷം നടപ്പാക്കും. പ്രളയമേഖലകള്‍ക്ക് ഊന്നല്‍ നല്‍കിയാണ് പദ്ധതി നടപ്പാക്കുക. പലകാരണങ്ങളാല്‍ പഠനം പാതിവഴിയില്‍ ഉപേക്ഷിക്കുകയോ, പത്താം ക്ലാസോ പ്ലസ്ടുവോ വിജയകരമായി പൂര്‍ത്തീകരിക്കാന്‍ കഴിയാതെ വരികയോ ചെയ്ത കുട്ടികള്‍ക്കായി കേരള പൊലിസ് ആവിഷ്‌കരിച്ച ഹോപ് പദ്ധതി, വിദ്യാഭ്യാസ വകുപ്പ്, തദ്ദേശസ്വയംഭരണ സ്ഥാപനങ്ങള്‍ എന്നിവയുടെ സഹകരണത്തോടെയാണ് നടപ്പാക്കുന്നത്. ആലപ്പുഴ, എറണാകുളം, കോട്ടയം തുടങ്ങിയ ജില്ലകളില്‍ പരീക്ഷണാടിസ്ഥാനത്തില്‍ നടപ്പാക്കിയ പദ്ധതിയുടെ ഭാഗമായി പ്ലസ്ടുവില്‍ പരാജയം സംഭവിച്ച 76 കുട്ടികളെ വിജയത്തിലേക്കെത്തിക്കാന്‍ സാധിച്ചിരുന്നു. കേരളത്തില്‍ ഈയിടെ സംഭവിച്ച മഹാപ്രളയം രണ്ടുലക്ഷത്തോളം കുട്ടികളെ ബാധിച്ച സാഹചര്യത്തിലാണ് തദ്ദേശ വകുപ്പിനുകീഴില്‍ പഞ്ചായത്തുകളുടേയും മുനിസിപ്പാലിറ്റികളുടേയും പൊലിസിന്റേയും പൊതുസമൂഹത്തിന്റേയും പങ്കാളിത്തത്തോടെ ഹോപ് പദ്ധതി നടപ്പാക്കുന്നത്.
പ്രളയബാധിത മേഖലയിലെ കുട്ടികളുടെ മാനസികാരോഗ്യ, സാമൂഹ്യ ആവശ്യങ്ങള്‍ ശാസ്ത്രീയമായി കണ്ടെത്തി ആവശ്യമായ പിന്തുണ നല്‍കുക, പഠനോപകരണങ്ങള്‍ സമാഹരിക്കുക, പ്രളയാനന്തരം മാതാപിതാക്കളെ നഷ്ടപ്പെട്ട കുട്ടികളെ സഹായിക്കുന്നതിനായി സുമനസുകളായ മെന്‍ഡര്‍മാരെ കണ്ടെത്തുക തുടങ്ങിയവ ഇതിന്റെ ഭാഗമായി നടപ്പാക്കും. പ്രളയം ഏറ്റവും കൂടുതല്‍ ബാധിച്ച പഞ്ചായത്തുകളേയും മുനിസിപ്പാലിറ്റികളേയും കണ്ടെത്തിയായിരിക്കും പദ്ധതി നടപ്പിലാക്കുക. കുട്ടികള്‍ക്ക് വേണ്ടി പ്രവര്‍ത്തിക്കുന്ന അന്താരാഷ്ട്ര ഏജന്‍സിയായ യൂനിസെഫ് പദ്ധതിയ്ക്ക് ആവശ്യമായ പിന്തുണ നല്‍കും.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."