ഈ ഹരിയാനക്കാരന്‍ അറിയപ്പെടുന്നത് മരം കയറ്റത്തിലൂടെയാണ്. ഇതിലെന്തിരിക്കുന്നുവെന്നല്ലേ, 32കാരനായ മുകേഷ് കുമാര്‍ മരം കയറുന്നത് സാധാരണപോലെയല്ല, തലകീഴായിട്ടാണ്. മരം കയറ്റത്തെ ഏറെ ഇഷ്ടപ്പെടുന്ന മുകേഷ് 13ാം വയസ്സുമുതല്‍ തല കീഴായി മരം കയറുന്നുണ്ട്.

എല്ലാവരും നേരെ മരം കയറിയപ്പോള്‍ അല്‍പ്പമൊന്നു വ്യത്യസ്തനാവാന്‍ വേണ്ടിയാണ് താന്‍ തലകീഴായ മരം കയറ്റം പരീക്ഷിച്ചതെന്ന് മുകേഷ് പറയുന്നു.
ഒരുപാടുതവണ വീണു പരുക്കുപറ്റിയിട്ടും ശ്രമം ഉപേക്ഷിക്കാതെ മുന്നോട്ടു പോവുകയായിരുന്നെന്നും അദ്ദേഹം പറഞ്ഞു.

തുടക്കത്തില്‍ രണ്ടോ മൂന്നോ അടി മാത്രമാണ് കയറിയിരുന്നതെന്നും നിരന്തരമായ പരിശീലനത്തിന്റ ഫലമായി ഇപ്പോള്‍ എല്ലാ മരങ്ങളും അനായാസം കയറും. ഇന്ന് ഞാന്‍ വലിയ മരങ്ങളെയാണ് ലക്ഷ്യം വയ്ക്കുന്നതെന്നും അതെന്റെ സാഹസങ്ങളെ പൂര്‍ത്തീകരിക്കുന്നുവെന്നും മുകേഷ് പറഞ്ഞു.

തന്റെ പേരില്‍ ഒരു ലോക റെക്കോര്‍ഡ് ഉണ്ടാക്കേണ്ടതും ഗിന്നസ് വേള്‍ഡ് റെക്കോഡ് ബുക്കില്‍ പേര് ചേര്‍ക്കുകയുമാണ് തന്റെ അടുത്ത ലക്ഷ്യമെന്നും മുകേഷ് പറയുന്നു. നിര്‍മാണത്തൊഴിലാളിയായ മുകേഷ് ഗിന്നസ് റെക്കോഡിലൂടെ കുടുംബത്തിനു വേണ്ടി പണം കണ്ടെത്താനാകുമെന്നാണ് പ്രതീക്ഷിക്കുന്നത്.

വീഡിയോ കാണാം...