അബൂദബി: പൂര്‍ണമായും സൗരോര്‍ജത്തിന്റെ കരുത്തില്‍ ലോകം ചുറ്റിക്കറങ്ങിയ സോളാര്‍ ഇംപള്‍സ് വിമാനം ചരിത്ര ദൗത്യം പൂര്‍ത്തിയാക്കി. ഒന്നര വര്‍ഷം കൊണ്ട് ലോകം മുഴുവന്‍ ചുറ്റിക്കറങ്ങിയാണ് സോളാര്‍ ഇംപള്‍സ് ഇന്ന് അബുദാബിയില്‍ തിരിച്ചിറങ്ങിയത്.

കഴിഞ്ഞ വര്‍ഷം മാര്‍ച്ചിലാണ് ബെര്‍ട്രാഡ് പിക്കാര്‍ഡ്,ആേ്രന്ദ ബോഷ്ബര്‍ഗ് എന്നിവരുടെ നേതൃത്വത്തില്‍ സോളാര്‍ ഇംപള്‍സ് അബുദാബിയില്‍ നിന്നും യാത്ര തിരിച്ചത്. ഒമാന്‍,ഇന്ത്യ,മ്യാന്മര്‍,ചൈന,ജപ്പാന്‍,അമേരിക്ക,സ്‌പെയ്ന്‍,ഈജിപ്ത് തുടങ്ങിയ രാജ്യങ്ങളില്‍ ഇറങ്ങിയതിന് ശേഷമാണ് ഇവര്‍ യാത്ര പൂര്‍ത്തിയാക്കി തിരിച്ച് അബുദബിയിലെത്തിയത്.