കൊണ്ടോട്ടി: ഹയര്‍ സെക്കന്‍ഡറി പരീക്ഷയില്‍ കൊണ്ടോട്ടി ഉപജില്ലയില്‍ കൂടുതല്‍ എ പ്ലസ് കൊണ്ടോട്ടി ഇ.എം.ഇ.എ ഹയര്‍ സെക്കന്‍ഡറി സ്‌കൂളിന്. എ പ്ലസില്‍ ജില്ലയില്‍ മൂന്നാം സ്ഥാനവും ഇ.എം.ഇ.എക്കാണ്. ജില്ലാ തലത്തില്‍ 54 ഫുള്‍ എ പ്ലസുകള്‍ നേടി എടരിക്കോട് പി.കെ.എം ഹയര്‍ സെക്കന്‍ഡറി സ്‌കൂള്‍ ഒന്നാം സ്ഥാനത്തും സംസ്ഥാനത്ത് തന്നെ ഏറ്റവും കൂടുതല്‍ പ്ലസ്ടു വിദ്യാര്‍ഥികളെ പരീക്ഷക്കിരുത്തിയ പാലേമാട് എസ്.വി ഹയര്‍ സെക്കന്‍ഡറി സ്‌കൂള്‍ 40 എ പ്ലസുകള്‍ നേടി രണ്ടാം സ്ഥാനത്തുമുണ്ട്. 36 എ പ്ലസുകള്‍ നേടിയാണ് ഇ.എം.ഇ.എ ഹയര്‍ സെക്കന്‍ഡറി സ്‌കൂള്‍ മൂന്നാം സ്ഥാനത്തെത്തിയത്.
   97 ശതമാനം വിജയം നേടിയ ഇ.എം.ഇ.എ സ്‌കൂളില്‍ 534 വിദ്യാര്‍ഥികള്‍ പരീക്ഷ എഴുതിയതില്‍ 517 പേര്‍ വിജയിച്ചു.
സയന്‍സ് വിഭാഗത്തില്‍ 25ഉം ഹ്യുമാനിറ്റീസ് കോമ്പിനേഷന്‍ 35ല്‍  ആറും 11ല്‍ ഒന്നും കൊമേഴ്‌സ് വിഭാഗത്തില്‍ നാലും എപ്ലസുകളാണ് സ്‌കൂള്‍ നേടിയത്. വിജയികളെ മാനേജര്‍ സി.പി മുഹമ്മദ് കുട്ടി, പ്രിന്‍സിപ്പല്‍ യു.അബ്ദുറഹ്മാന്‍, പി.ടി.എ പ്രസിഡന്റ് മുഹമ്മദ് ഹനീഫ അഭിനന്ദിച്ചു.