മട്ടന്നൂര്‍: മട്ടന്നൂര്‍-തലശ്ശേരി റോഡില്‍ വാഹനങ്ങള്‍ കൂട്ടിയിടിച്ച് കാല്‍നട യാത്രികന് പരുക്ക്.
സാരമായി പരുക്കേറ്റ കാല്‍നട യാത്രികന്‍ അഞ്ചരക്കണ്ടി സ്വദേശിയും മട്ടന്നൂര്‍ മലബാര്‍ ഇംഗ്ലിഷ് സ്‌കൂള്‍ ജീവനക്കാരനുമായ കെ. പ്രദീപ(52)നെ തലശ്ശേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നലെ വൈകുന്നേരമാണ് സംഭവം.
മട്ടന്നൂര്‍ ടൗണിലേക്ക് വരികയായിരുന്ന കാര്‍, റോഡ് മുറിച്ച് കടക്കുകയായിരുന്ന കാല്‍നട യാത്രികനെ രക്ഷപ്പെടുത്തുന്നതിനു വേണ്ടി ശ്രമിച്ചപ്പോള്‍ നിയന്ത്രണം വിട്ട് നിര്‍ത്തിയിട്ട ഒരു കാറിനും പ്രധാന റോഡിലേക്ക് പ്രവേശിക്കുകയായിരുന്ന മറ്റൊരു കാറിനും കാല്‍നട യാത്രികനും ഇടിക്കുകയായിരുന്നു. പ്രദീപന്‍ തലശ്ശേരിയിലെ സ്വകാര്യ ആശുപത്രിയില്‍ നിന്ന് ആന്‍ജിയോഗ്രാം കഴിഞ്ഞു മട്ടന്നൂരില്‍ എത്തിയ ഉടനെയായിരുന്നു അപകടം നടന്നത്.