എടച്ചേരി: പ്രളയത്തില്‍ പാഠപുസ്തകങ്ങള്‍ നഷ്ടപ്പെട്ട വയനാട് കോട്ടത്തറ പഞ്ചായത്തിലെ എസ്.എ.എല്‍.പി സ്‌കൂള്‍ വിദ്യാര്‍ഥികള്‍ക്ക് നോട്ടുബുക്കുകള്‍ എഴുതി നല്‍കി എടച്ചേരി നരിക്കുന്ന് യു.പി സ്‌കൂളിലെ വിദ്യാര്‍ഥികള്‍ മാതൃകയായി. കുട്ടികള്‍ എഴുതി തയാറാക്കിയ നോട്ട് പുസ്തകങ്ങള്‍ അധ്യാപകരാണ് വയനാട്ടിലെത്തിച്ചത്.
ഓണാവധിക്ക് വീട്ടില്‍ വച്ചും, അവധിക്ക് ശേഷം സ്‌കൂള്‍ ലൈബ്രറിയില്‍ ഒന്നിച്ചിരുന്നുമാണ് കുട്ടികള്‍ 3, 4, 5,6 ക്ലാസുകളിലേക്കുള്ള നൂറില്‍ പരം പുസ്തകങ്ങള്‍ എഴുതിത്തീര്‍ത്തത്.
സ്‌കൂള്‍ അധ്യാപകരായ ജിഷ, ദിവിന്‍, സൗരവ്, സുമ, ജിതിന്‍ രാജ് എന്നിവരും സ്‌കൂള്‍ ലീഡര്‍ പാര്‍വണ, തേജസ്, മയൂഖ പ്രകാശ് എന്നീ വിദ്യാര്‍ഥികളും നേതൃത്വം നല്‍കി.