പേരാമ്പ്ര: കൂത്താളി പ്രൈമറി ഹെല്‍ത്ത് സെന്ററില്‍ രോഗികളെ കിടത്തി ചികിത്സിക്കുന്നതിനാവശ്യമായ നടപടികള്‍ സ്വീകരിക്കണമെന്ന് എന്‍.സി.പി പഞ്ചായത്ത് കമ്മിറ്റി ആവശ്യപ്പെട്ടു. ദിനംപ്രതി നൂറുകണക്കിന് രോഗികള്‍ ഇവിടെ ചികിത്സ തേടിയെത്തുന്നുണ്ട്. അവശരായ രോഗികളെ താലുക്ക് ആശുപത്രിയിലോ സഹകരണ ആശുപത്രിയിലോ എത്തിക്കേണ്ട സാഹചര്യമാണുള്ളതെന്നും യോഗം വിലയിരുത്തി. ടി.വി മാധവി അമ്മ അധ്യക്ഷയായി. കിഴക്കയില്‍ ബാലന്‍ ഉദ്ഘാടനം ചെയ്തു. ശ്രീനിവാസന്‍ മാസ്റ്റര്‍, കെ.എം ഗോവിന്ദന്‍, ഇ.പി ദിനേശ് കുമാര്‍, കെ.എം ജാനു സംസാരിച്ചു. ഭാരവാഹികളായി ഇ.എം ചെക്കോട്ടി (പ്രസി), കെ. കരുണാകരന്‍, പി.ഇനിര്‍മ്മല (വൈ. പ്രസി), കെ.ഒ രവീന്ദ്രന്‍ (സെക്ര), കെ.സി നാരായണന്‍ (ജോ. സെക്ര), പി. രവീന്ദ്രന്‍ (ട്രഷ) എന്നിവരെ തിരഞ്ഞെടുത്തു.