മുംബൈ: ലൈംഗിക പീഡനക്കേസില്‍ ബിനോയി കോടിയേരിയെ കസ്റ്റഡിയിലെടുക്കുമെന്ന് മുംബൈ പൊലിസ്. ഇതിനായാണ് അന്വേഷണ സംഘത്തിന് നിര്‍ദേശം നല്‍കിയിരിക്കുന്നത്. ചോദ്യം ചെയ്യലിന് ശേഷമാകും അറസ്റ്റ് ചെയ്യുന്ന കാര്യത്തില്‍ തീരുമാനം എടുക്കുകയെന്നും മുംബൈ പൊലിസ് അറിയിച്ചു. കേരളത്തിലുള്ള പൊലിസ് സംഘം അവിടെത്തന്നെ തുടരുമെന്നും അന്വേഷണ ഉദ്യോഗസ്ഥന്‍ ശൈലേഷ് പാസല്‍വാര്‍ വ്യക്തമാക്കി.
രേഖകളും ഫോട്ടോകളും തെളിവുകളും ശേഖരിച്ച ശേഷമാണ് മുംബൈ ഓഷിവാര പൊലിസ് സ്റ്റേഷനില്‍ നിന്നുള്ള സംഘം കണ്ണൂരിലെത്തിയത്.