ന്യൂഡല്‍ഹി: സെര്‍ബിയന്‍ ജൂനിയര്‍ ആന്‍ഡ് കേഡറ്റ് ഓപ്പണ്‍ ടേബിള്‍ ടെന്നീസ് ചാംപ്യന്‍ഷിപ്പില്‍ രണ്ടു വെള്ളിയും മൂന്നു വെങ്കലവുമടക്കം അഞ്ചു മെഡലുകള്‍ സ്വന്തമാക്കി ഇന്ത്യന്‍ താരങ്ങള്‍.
വനിതാ ഡബിള്‍സില്‍ രാധാപ്രിയ ഗോയല്‍അനുഷ കുതുംബലെ സഖ്യവും പുരുഷ ഡബിള്‍സില്‍ ദീപിത്പട്ടീല്‍ അനുക്രം ജെയിന്‍ ജോടിയുമാണ് വെള്ളി മെഡല്‍ നേടിയത്.
വനിതാ ഡബിള്‍സില്‍ ഇന്ത്യയുടെ തന്നെ ദിയാ ചിറ്റാലെ സ്വസ്തിക ഘോഷ് സഖ്യവും പുരുഷ ഡബിള്‍സില്‍ മാനുഷ് ഷാറീഗന്‍ അല്‍ബുക്കര്‍ക്ക് സഖ്യവും വെങ്കലവും നേടി. സിംഗിള്‍സ് മത്സരത്തിലും വെങ്കലം നേടിയ മാനുഷ് ഷാ ചാംപ്യന്‍ഷിപ്പിലെ ഇന്ത്യയുടെ മെഡല്‍ നേട്ടം അഞ്ചാക്കി ഉയര്‍ത്തി.