ന്യൂഡല്‍ഹി: ഇന്ത്യ- ചൈന അതിര്‍ത്തി തര്‍ക്കവുമായി ബന്ധപ്പെട്ട് അഞ്ച് സംസ്ഥാനങ്ങളിലെ മുഖ്യമന്ത്രിമാരുമായി കേന്ദ്ര ആഭ്യന്തര മന്ത്രി രാജ്‌നാഥ് സിങ് ചര്‍ച്ച നടത്തി. ജമ്മു കശ്മീര്‍,ഹിമാചല്‍ പ്രദേശ്,ഉത്തരാഖണ്ഡ്,സിക്കിം,അരുണാചല്‍ പ്രദേശ് എന്നീ സംസ്ഥാനങ്ങളിലെ മുഖ്യമന്ത്രിമാരുമായി ഡല്‍ഹിയിലാണ് ചര്‍ച്ച നടത്തുന്നത്.

ചൈനയുമായി നിരന്തരം തുടരുന്ന അതിര്‍ത്തി തര്‍ക്കവും അതിര്‍ത്തിയിലെ സുരക്ഷയെക്കുറിച്ചുമെല്ലാം ചര്‍ച്ച നടത്താനാണ് യോഗം വിളിച്ചുചേര്‍ത്തത്. ഈ സംസ്ഥാനങ്ങള്‍ തമ്മിലുള്ള പരസ്പര ബന്ധം ഏകോപിപിക്കാനും തീരുമാനമുണ്ട്.

ഇന്‍ഡോ- ടിബറ്റന്‍ ബോര്‍ഡര്‍ പൊലിസും സംസ്ഥാനങ്ങളും തമ്മിലുള്ള ഏകീകരണവും അതിര്‍ത്തി വികസന പദ്ധതികളും ചര്‍ച്ചയില്‍ കടന്നുവരും. ലചൂങ്ങിലെ ഇന്‍ഡോ ടിബറ്റന്‍ ബോര്‍ഡര്‍ പോസ്റ്റ് സന്ദര്‍ശിക്കാനും രാജ്‌നാഥ് സിങ് തീരുമാനിച്ചിട്ടുണ്ട്.