ജബല്‍പൂര്‍: മധ്യപ്രദേശില്‍ തീര്‍ഥാടകരുമായി പോവുന്ന ബസ് കൊക്കയിലേക്ക് മറിഞ്ഞ് ആറു പേര്‍ മരിച്ചു. 28 പേര്‍ക്ക് പരുക്കേറ്റു. ശനിയാഴ്ച അര്‍ധരാത്രിയാണ് സംഭവം.

നാല്‍പത് തീര്‍ഥാടകരാണ് ബസിലുണ്ടായിരുന്നത്.  ജബല്‍പൂരിലെ തീര്‍ഥാടന കേന്ദ്രമായ അമര്‍കാന്തിലേക്കു പോവുകയായിരുന്നു സംഘം. നാലു പേര്‍ സംഭവസ്ഥലത്തു വെച്ചു തന്നെ മരിക്കുകയായിരുന്നു.

പരുക്കേറ്റവരില്‍ ഏഴുപേരുടെ നില ഗുരുതരമാണ്. മരിച്ചവരുടെ കുടുംബാംഗങ്ങള്‍ക്ക് മന്ത്രി ഓം പ്രകാശ് ദര്‍വെ നാലു ലക്ഷം നഷ്ടപരിഹാരം പ്രഖ്യാപിച്ചു.