തിരുവനന്തപുരം: കൊച്ചി മെട്രോ പ്രധാനമന്ത്രി തന്നെ ഉദ്ഘാടനം ചെയ്യുമെന്ന് മുഖ്യമന്ത്രി പിണറായി വിജയന്‍ നിയമസഭയില്‍ അറിയിച്ചു. ഇതുമായി ബന്ധപ്പെട്ട് നേരത്തെയുണ്ടായ വിവാദങ്ങള്‍ക്ക് അടിസ്ഥാനമില്ലെന്നും അദ്ദേഹം അന്‍വര്‍ സാദത്തിന്റെ സബ് മിഷന് മറുപടിനല്‍കി. പ്രധാനമന്ത്രിയുടെ സമയം ലഭിക്കുന്നതിനായി അദ്ദേഹത്തിന്റെ ഓഫിസുമായി ബന്ധപ്പെട്ടിട്ടുണ്ട്. ഏറ്റവും അടുത്ത സമയം ലഭിക്കുമെന്ന പ്രതീക്ഷയാണുള്ളത്.
പ്രധാനമന്ത്രിയുടെ സമയം ലഭിക്കാന്‍ ബന്ധപ്പെട്ടുകൊണ്ടേയിരിക്കും. കൊച്ചി മെട്രോ ഉദ്ഘാടനം ചെയ്യേണ്ടത് പ്രധാനമന്ത്രി തന്നെയാണ്. ഉദ്ഘാടന തിയതി ഉടന്‍ അറിയിക്കാനാകുമെന്നും പ്രതീക്ഷയുണ്ട്. ആലുവയില്‍വച്ചു തന്നെ ഉദ്ഘാടനം നടത്തുന്നതിനെ കുറിച്ചാണ് ആലോചനയെന്നും മുഖ്യമന്ത്രി പറഞ്ഞു.