മലപ്പുറം: ജില്ലയില്‍ പുതിയ സര്‍ക്കാര്‍ അധികാരത്തില്‍ വന്നതിനുശേഷം പുതിയ ടൂറിസം പദ്ധതികളൊന്നും നടപ്പാക്കിയിട്ടില്ലെന്നു ടൂറിസം മന്ത്രി കടകംപള്ളി സുരേന്ദ്രന്‍ നിയമസഭയില്‍ അറിയിച്ചു. പി. ഉബൈദുല്ല എം.എല്‍.എയുട ചോദ്യത്തിനാണ് മന്ത്രിയുടെ മറുപടി.
മിനി ഊട്ടി പദ്ധതി നടപ്പാക്കാന്‍ ആവശ്യമായ ഭൂമി സര്‍ക്കാരിന്റെ കൈവശമില്ലെന്നും മന്ത്രി അറിയിച്ചു. ശാന്തിതീരം റിവര്‍സൈഡ് വാക്ക് വേ പദ്ധതിക്കു രണ്ടു ഘട്ടങ്ങളിലായി 1,09,63,200 രൂപ അനുവദിച്ചിട്ടുണ്ടെന്നും അതു പൂര്‍ണമായി ചെലവഴിച്ചിട്ടുണ്ടെന്നും മന്ത്രി പറഞ്ഞു.