അഹമ്മദാബാദ്: ഇന്റര്‍കോണ്ടിനെന്റല്‍ കപ്പില്‍ നിന്ന് ഇന്ത്യ പുറത്ത്. ഉത്തര കൊറിയയോട് 5-2 എന്ന സ്‌കോറിലാണ് ഇന്ത്യ തകര്‍ന്നത്്. രണ്ടു ഗോളുകള്‍ നേടിയ ക്യാപ്റ്റന്‍ ജോങ് ഇല്‍ ഗ്വാന്‍ ആണ് കൊറിയയുടെ താരം.

എട്ടാം മിനിറ്റില്‍ തന്നെ കൊറിയ ലിഡെടുത്തുതുടങ്ങിയിരുന്നു. ജോങ് ഇല്‍ ഗ്വാന്‍ ആയിരുന്നു സ്‌കോറര്‍. എട്ടു മിനിറ്റുകള്‍ക്കുള്ളില്‍ കൊറിയ രണ്ടാം ഗോളും നേടി. പെനാല്‍റ്റി ബോക്‌സിനുള്ളില്‍ നിന്ന് സിം ജിന്‍ന്റെ ഷോട്ട്.അധികം വൈകാതെ മിനിറ്റിലാണ് മൂന്നാം ഗോളും വന്നു. ബോക്‌സിനുള്ളില്‍ നിന്നുള്ള ജോങ് ഗ്വാന്റെ ഹെഡ്ഡര്‍ ലക്ഷ്യം തെറ്റാതെ വലയിലെത്തി.
രണ്ടാം പകുതിയില്‍ ചാങ്‌തെയിലൂടെ ഇന്ത്യ ഒരു ഗോള്‍ തിരിച്ചടിച്ചു. സുനില്‍ ഛേത്രിയുടെ പാസില്‍ നിന്നായിരുന്നു ഈ ഗോള്‍.

54ാം മിനിറ്റില്‍ ജോബി ജസ്റ്റിന് പകരം അനിരുദ്ധ താപ്പയെ ഇന്ത്യ കളത്തിലിറക്കി. 63ാം മിനിറ്റില്‍ കൊറിയയുടെ അടുത്ത ഗോളെത്തി. ഇതോടെ ലീഡ് നില 4-1ആയി. 71ാം മിനിറ്റില്‍ ഉദാന്തയുടെ ക്രോസില്‍ നിന്ന് സുനില്‍ ഛേത്രി ലക്ഷ്യം കണ്ടു.
റൗളിന്‍ ബോര്‍ജെസിന് പകരം മലയാളി താരം സഹല്‍ അബ്ദു സമദ് കളത്തിലിറങ്ങിയതോടെ ഇന്ത്യയുടെ അറ്റാക്കിങ് വേഗത കൂടി. 78ാം മിനിറ്റില്‍ രണ്ട് കൊറിയന്‍ പ്രതിരോധ താരങ്ങളെ കട്ട് ചെയ്ത് സഹല്‍ അടിച്ച ഷോട്ട് ലക്ഷ്യം തെറ്റി. ഇഞ്ചുറി ടൈമില്‍ കൊറിയയുടെ അഞ്ചാം ഗോളുമെത്തി. റി ജിന്‍ ആയിരുന്നു ഗോള്‍ സ്‌കോറര്‍. ഇതോടെ ഉത്തര കൊറിയയുടെ ഗോള്‍ പട്ടിക പൂര്‍ത്തിയായി. ആദ്യമത്സരത്തില്‍ ഇന്ത്യ താജിക്കിസ്താനോട് തോറ്റിരുന്നു.