ജിദ്ദ: മിനായില്‍ ഹാജിമാര്‍ക്ക് സ്തുത്യര്‍ഹമായ സേവനം ചെയ്ത കോട്ടക്കല്‍ മണ്ഡലത്തില്‍ നിന്നുള്ള കെ എം സി സി ഹജ്ജ് വളണ്ടിയര്‍മാരെ ജിദ്ദ കോട്ടക്കല്‍ മണ്ഡലം കെ എം സി സി ആദരിച്ചു. ഷറഫിയ്യ റോളക്‌സ് ഹോട്ടലില്‍ വച്ച് നടന്ന പരിപാടി മലപ്പുറം ജില്ലാ കെ എം സിസി പ്രസിഡന്റ് വി.പി മുസ്തഫ ഉത്ഘാടനം ചെയ്തു. മണ്ഡലം കെ എം സി സി പ്രസിഡന്റ് കെ.എം. മൂസ ഹാജി കോട്ടക്കല്‍ അധ്യക്ഷത വഹിച്ചു. വളന്റിയര്‍മാര്‍ക്കുള്ള മെമന്റോ മലപ്പുറം ജില്ലാ കെ എം സി സി ജനറല്‍ സെക്രട്ടറി മജീദ് കോട്ടീരി, ജിദ്ദ കെ എം സി സി വളണ്ടിയര്‍ ക്യാപ്റ്റന്‍ വി.പി ഉനൈസ്, മലപ്പുറം ജില്ലാ കോഓര്‍ഡിനേറ്റര്‍ മജീദ് അരിമ്പ്ര, ഇസ്മായില്‍ മുണ്ടുപറമ്പ് തുടങ്ങിയവര്‍ വിതരണം ചെയ്തു. നാണി മാസ്റ്റര്‍ സി.എച്ച് അനുസ്മരണ പ്രഭാഷണം നടത്തി.
മുഹമ്മദ് കല്ലിങ്ങല്‍, മൊയ്ദീന്‍ എടയൂര്‍, അന്‍വര്‍ പുവ്വല്ലൂര്‍്, മുഹമ്മദലി ഇരണിയന്‍, റസാഖ് വെണ്ടല്ലൂര്‍, അഷ്‌റഫ് മേലേതില്‍, ടി.ടി ഷാജഹാന്‍, ടി.കെ അന്‍വര്‍ സാദത്, ശംസുദ്ധീന്‍ കാവുങ്ങല്‍, അഹ്മദ് കുട്ടി, സി.കെ. കുഞ്ഞുട്ടി, ജാഫര്‍ നീറ്റുകാട്ടില്‍, മുഹമ്മദ് റാസില്‍, ഹംദാന്‍ബാബു, കുഞ്ഞാലി കുമ്മാളില്‍, നിഷാം അലി, ആബിദ് തയ്യില്‍, കെ.പി. സമദലി തുടങ്ങിയവര്‍ പ്രസംഗിച്ചു. ഹബീബ് കോട്ടക്കല്‍ ഖിറാഅത്ത് നടത്തി. ജനറല്‍ സെക്രട്ടറി നാണി ഇസ്ഹാഖ് സ്വാഗതവും ട്രഷറര്‍ ഇബ്രാഹിം ഹാജി വളാഞ്ചേരി നന്ദിയും പറഞ്ഞു.