കോഴിക്കോട്: എസ്.കെ.എസ്.എസ്.എഫ് കോഴിക്കോട് ജില്ലാ കമ്മിറ്റിയും അബൂദബി ജില്ലാ കമ്മിറ്റിയും സംഘടിപ്പിക്കുന്ന നാട്ടുനന്മ ത്രൈമാസ കാംപയിന്‍ കാലഘട്ടത്തിന്റെ ആവശ്യമാണെന്ന് കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി. കാംപയിന്റെ ഭാഗമായുള്ള നേതൃത്വ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ജില്ലാ പ്രസിഡന്റ് സയ്യിദ് മുബശ്ശിര്‍ തങ്ങള്‍ ജമലുല്ലൈലി അധ്യക്ഷനായി. ജില്ലാ സെക്രട്ടറി ഒ.പി അഷ്‌റഫ്, വര്‍ക്കിങ് സെക്രട്ടറി നൂറുദ്ധീന്‍ ഫൈസി, സലാം ഫൈസി മുക്കം, കെ.എന്‍.എസ് മൗലവി, കുഞ്ഞാലന്‍കുട്ടി ഫൈസി, മുസ്തഫ ബാഖവി പെരുമുഖം, ജഅ്ഫര്‍ സാദിഖ് പുത്തൂര്‍മഠം, സമദ് പെരുമുഖം, ആര്‍.വി.എ സലാം, റഷീദ് മാസ്റ്റര്‍ കോടിയൂറ, അബൂദബി എസ്.കെ.എസ്.എസ്.എഫ് ജില്ലാ നേതാക്കളായ ഹാരിസ് ബാഖവി, സിറാജ് തേവര്‍കോവില്‍, ഹംസ കുറ്റ്യാടി, സിറാജ് പയ്യോളി, ജംഷീര്‍ വടക്കുമ്പാടം, കെ.പി അഹമ്മദ് പേരാമ്പ്ര, അബ്ദുറസാഖ് അത്തോളി, അന്‍വര്‍ കൊളത്തറ, ഖാസിം നിസാമി, ഷംസുദ്ധീന്‍ ഫൈസി, റാഷിദ് ദാരിമി, റാഷിദ് അശ്ഹരി, സിറാജ് ഫൈസി, ജലീല്‍ ദാരിമി സംബന്ധിച്ചു.