തിരൂരങ്ങാടി: മതവിശ്വാസത്തില്‍ അധിഷ്ഠിതമായ തീരുമാനമാണ് ശബരിമലയില്‍ നടപ്പിലാക്കേണ്ടതെന്നും ശബരിമല വിഷയത്തില്‍ സുപ്രിംകോടതിയില്‍ പാര്‍ട്ടി ഹരജി നല്‍കുമെന്നും കേരളാ കോണ്‍ഗ്രസ് നേതാവും മുന്‍ കേന്ദ്രമന്ത്രിയുമായ പി.സി തോമസ്.
ഇന്നലെ ചെമ്മാട് നടത്തിയ വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. മതാചാരങ്ങളില്‍ കോടതികള്‍ ഇടപെടാതിരിക്കുന്നതാണ് നല്ലത്. ശബരിമല സ്ത്രീ പ്രവേശന വിധിയുടെ അടിസ്ഥാനത്തില്‍ നടപ്പിലാക്കുന്ന തീരുമാനങ്ങളില്‍നിന്ന് സംസ്ഥാന സര്‍ക്കാര്‍ പിന്തിരിയണമെന്നും അദ്ദേഹം ആവശ്യപ്പെട്ടു.