വാഴയൂര്‍: പഞ്ചായത്ത് ഭരണസമിതിയുടെ ജനവിരുദ്ധ നയത്തിലും കെടുകാര്യസ്ഥതയിലും പ്രതിഷേധിച്ച് യു.ഡി.എഫ് അംഗങ്ങള്‍ ബോര്‍ഡ് യോഗം ബഹിഷ്‌കരിച്ചു. ഉപയോഗ ശൂന്യമായി കിടക്കുന്ന തെരുവ് വിളക്കുകള്‍ റിപ്പയര്‍ ചെയ്യാനുള്ള ഫണ്ട് നഷ്ടപ്പെടുത്തിയത്തിലും ചീക്കോട് കുടിവെള്ള വിതരണത്തിനാവശ്യമായ നടപടികള്‍ സീകരിച്ചതിലും ലൈഫ് ഭവന പദ്ധതിയുടെ മെല്ലപ്പോക്കില്‍ പ്രതിഷേധിച്ചും പെന്‍ഷന്‍ വിതരണത്തിലെ കെടുകാര്യസ്ഥതയില്‍ പ്രതിഷേധിച്ചുമായിരുന്നു അംഗങ്ങള്‍ യോഗം ബഹിഷകരിച്ചത്.
പ്രതിപക്ഷം ആവശ്യങ്ങള്‍ ഉന്നയിയിച്ചിട്ടും അജണ്ടയില്‍ കൊണ്ടുവരാന്‍ ഭരണ പക്ഷം തയാറായിരുന്നില്ല. ഇതോടെയാണ് പ്രതിപക്ഷം യോഗം ബഹിഷ്‌കരിച്ച് ഓഫിസിനു മുന്നില്‍ കുത്തിയിരുപ്പ് സമരം നടത്തിയത്. സമരം പ്രതിപക്ഷ നേതാവ് അബ്ദുല്‍ മജീദ് ഉദ്ഘാടനം ചെയ്തു. കെ.പി അബ്ദുല്‍ അസീസ്, മൂസ ഫൗലദ്, അബ്ദുറഹ്മാന്‍, സഫിയ തുടങ്ങിയവര്‍ സംസാരിച്ചു.