തുറവൂര്‍: ദേശീയ പാതയില്‍ തുറവൂര്‍ കവലയിലെ സിഗ്‌നല്‍ സംവിധാനം തകരാറിലായത് യാത്രക്കാരെ ബുദ്ധിമുട്ടിലാക്കുന്നു.
സിഗ്‌നല്‍ ലൈറ്റ് ഇല്ലാത്തതിനാല്‍ മറ്റു റോഡുകളില്‍ നിന്നെത്തുന്ന വാഹനങ്ങള്‍ ഏറെ പ്രയാസപ്പെട്ടാണ് ദേശീയ പാതയിലേക്ക് പ്രവേശിക്കുന്നത്.
അമിതവേഗത്തില്‍ പാഞ്ഞെത്തുന്ന വാഹനങ്ങളെ ഇവിടെ ഡ്യൂട്ടിയിലുള്ള ഹോം ഗാര്‍ഡ് നിയന്ത്രിക്കാന്‍ വളരെയധികം ക്ലേശിക്കുകയാണ്. ജനത്തിരക്കേറിയ കവലകളില്‍ ഒന്നാണ് തുറവൂര്‍. സൈക്കിള്‍, കാല്‍നടയാത്രക്കാര്‍ക്ക് റോഡ് മുറിച്ചുകടക്കാന്‍ കഴിയാത്ത സ്ഥിതിയാണ്. സോളാര്‍ പാനലുകളുപയോഗിച്ചാണ് സിഗ്‌നല്‍ സംവിധാനം ആദ്യം പ്രവര്‍ത്തിച്ചിരുന്നത്.
എന്നാല്‍, പിന്നീട് പ്രവര്‍ത്തനം വൈദ്യുതി ഉപയോഗിച്ചാക്കിയെങ്കിലും ഇടയ്ക്ക് ഇടയ്ക്ക് ഉണ്ടാക്കുന്ന വൈദ്യുതി തടസമാണ് ഇപ്പോള്‍ പ്രശ്‌നമായിരിക്കുന്നത്. പരാതിയെത്തുടര്‍ന്ന് കരാറുകാരെത്തി അറ്റകുറ്റപ്പണി നടത്തുന്നുണ്ടെങ്കിലും പൂര്‍ണമായും പരിഹരിക്കാനായിട്ടില്ലെന്നാണ് യാത്രക്കാര്‍ പറഞ്ഞു.