റിയാദ് : റിയാദ് കെ.എം.സി.സി കൊല്ലം ജില്ലാ കമ്മിറ്റി ചികിൽസാ സഹായം കൈമാറി.  കൊല്ലം കൊട്ടിയം മൈലാപ്പൂർ സദ്ദാമിന്റെയും തസ്നിയുടെയും മകനായ മുഹമ്മദ് സൽമാന്റെ ചികിത്സക്കാണ്‌ കമ്മിറ്റി സഹായം നൽകിയത്.  വാടക വീട്ടിൽ താമസിക്കുന്ന ഇവരുടെ 10 മാസം പ്രായമുള്ള ഏക മകനായ സല്മാന്റെ ഹൃദയ വാൽ വിന്‌ തകരാർ കണ്ടെത്തുകയും അടിയന്തിരമായി ശസ്ത്രക്രിയ നടത്തണമെന്ന് ഡോക്ടർമാർ നിർദ്ദേശിക്കുകയും ചെയ്തിരുന്നു.  മൂന്ന് ലക്ഷം രൂപക്ക് മുകളിൽ ചിലവ് വരുന്ന ശസ്ത്രക്രിയയ്ക്ക് സാമ്പത്തികമായി പിന്നോക്കം നിൽക്കുന്ന കുടുംബത്തിന് താങ്ങാവുന്നതിനും അപ്പുറമാണ് . തുടർന്ന് പിതാവ് സഹായം തേടി കൊല്ലം ജില്ലാ പ്രവാസി ലീഗിനെ സമീപ്പിക്കുകയായിരുന്നു . പ്രശ്നത്തിൽ ഇടപ്പെട്ട പ്രവാസി ലീഗ് കൊല്ലം ജില്ലാ സെക്രട്ടറി നൂറുദ്ദീൻ കൊട്ടിയം റിയാദ് കൊല്ലം ജില്ലാ കെ.എം.സി.സി ഭാരവാഹികളുടെ ശ്രദ്ധയിൽപ്പെടുത്തുകയും തുടർന്ന് ഭാരവാഹികളായ റഹീം ക്ളാപ്പന, ഫിറോസ് കൊട്ടിയം എന്നിവരുടെ നേതൃത്വത്തിൽ ഫണ്ട് സമാഹരണത്തിന്‌ രംഗത്തിറങ്ങുകയും ചെയ്തു.

ചികിൽസാ ധനസഹായം നാട്ടിൽ തൃക്കാവിൽ വട്ടം ഗ്രാമ പഞ്ചായത്ത് മെമ്പർ എ.എം റാഫി കുടുംബത്തിന് കൈമാറി . ചടങ്ങിൽ മുസ്ലിംലീഗ് കുണ്ടറ മണ്ഡലം ട്രഷറർ ഷാഹുൽ ഹമീദ്, പ്രവാസി ലീഗ് കൊല്ലംജില്ലാ സെക്രട്ടറി നൂറുദ്ദീൻ കൊട്ടിയം , യൂത്ത് ലീഗ് കൊല്ലം മണ്ഡലം പ്രസിഡന്റ് നവാസ് ചന്ദനത്തോപ്പ് , വൈറ്റ് ഗാർഡ് ഇരവിപുരം മണ്ഡലം ക്യാപ്റ്റൻ സുധീർ പറക്കുളം കെ.എം.സി.സി കൊല്ലം ജില്ലാ കെ.എം.സി.സി ഭാരവാഹികളായ സക്കീർ ഹുസൈൻ , നജീം അഞ്ചൽ എന്നിവർ ചടങ്ങിൽ പങ്കെടുത്തു .  തുടർ ചികിത്സക്കായി ഇനിയും പണം ആവശ്യമുള്ളതിനാൽ സഹായിക്കാൻ താല്പര്യമുള്ളവർ സദ്ദാമിന്റെ മാതാവ് ഷാഹിതയുടെ പേരിൽ ആരംഭിച്ച ബാങ്ക് അക്കൗണ്ടിലേക്ക് സഹായം എത്തിക്കണമെന്ന് ബന്ധപ്പെട്ടവർ അഭ്യർത്ഥിച്ചു.  (shahidha panachavilaveedu, STAT BANK OF INDIA, Kottiyam Branch 33115052081 IFC code SBINOO15786)