സിഡ്‌നി: നടുക്കടലില്‍ മത്സ്യബന്ധനത്തിലേര്‍പ്പെട്ടിരുന്ന തൊഴിലാളിയുടെ ബോട്ടിലേക്ക് ഭീമന്‍ സ്രാവിന്റെ അതിക്രമം. അതും 2.7 മീറ്റര്‍ നീളവും 200 കി.ഗ്രാം ഭാരവുമുള്ള സ്രാവാണ് അപ്രതീക്ഷിതമായി ബോട്ടിലേക്ക് ചാടിയെത്തിയത്.
ആസ്‌ത്രേലിയയിലെ ന്യൂ സൗത്ത് വെയില്‍സില്‍ ഇവാന്‍സ് ഹെഡിലാണ് സംഭവം. 73കാരനായ പ്രദേശത്തെ മത്സ്യതൊഴിലാളി ടെറി സെല്‍വുഡ് പതിവ് മത്സ്യബന്ധനത്തിനെത്തിയതായിരുന്നു ഇവിടെ. ഇതിനിടയിലാണ് ഭീമന്‍സ്രാവ് ബോട്ടിലേക്ക് ചാടിയത്. സ്രാവിന്റെ ആക്രമണത്തില്‍ ടെറിക്ക് പരുക്കേറ്റു.
അഞ്ച് മീറ്റര്‍ മാത്രം നീളമുള്ള ബോട്ടിലേക്കാണ് 2.7 മീറ്റര്‍ നീളമുള്ള സ്രാവ് ചാടിയത്.