മനാമ: മിഡില്‍ ഈസ്റ്റ് മെഡിക്കല്‍ സെന്ററും (എം.ഇ.എം) ബ്ലഡ് ഡോണേര്‍സ് കേരള (ബി.ഡി.കെ) ബഹ്റൈന്‍ ചാപ്റ്ററും സംയുകതമായി, ഹിദ്ദില്‍ തൊഴിലാളികള്‍ ഒന്നിച്ചു താമസിക്കുന്ന ഭാഗത്ത് നടത്തിയ സൗജന്യ മെഡിക്കല്‍ ക്യാമ്പ് അഞ്ഞൂറോളം ആളുകള്‍ക്ക് പ്രയോജനപ്പെട്ടു.
എം.ഇ. എം ഇന്റെര്‍ണല്‍ മെഡിസിന്‍ സ്‌പെഷ്യലിസ്റ്റ് ഡോ. നന്ദ കുമാര്‍, പ്രിവന്റീവ് ഡെന്റിസ്റ്റ് ഡോ. ജൈസ് ജോയ്, ജനറല്‍ പ്രാക്റ്റീഷനര്‍മാരായ ഡോ. നൗഷര്‍ എം. ലബീബ്, ഡോ. വക്കാസ് അക്തര്‍, ഡോ. ദിവ്യ ദേവ് എന്നിവര്‍ ക്യാമ്പില്‍ എത്തിച്ചേര്‍ന്നവരെ പരിശോധിച്ചു.

ബി.ഡി.കെ. രക്ഷാധികാരി ഡോ. പി.വി ചെറിയാന്‍ മെഡിക്കല്‍ ക്യാമ്പ് ഉദ്ഘാടനം ചെയ്തു. എം.ഇ.എം ഹിദ്ദ് ഇന്‍ ചാര്‍ജ് ഡോ. ജൈസ് ജോയ് സ്വാഗതവും, ബി.ഡി.കെ ചെയര്‍മാന്‍ കെ.ടി സലിം നന്ദിയും പറഞ്ഞു. എം.ഇ.എം ഓപ്പറേഷന്‍ മാനേജര്‍ രതീഷ് മുരളി, മാര്‍ക്കറ്റിംഗ് പ്രതിനിധികളായ ആകാശ് ആര്‍. മുരളി, ഹാവ്റ, നഴ്‌സിംഗ് സൂപ്രണ്ട് മേരി സ്‌കറിയ ബി.ബി.കെ പ്രസിഡന്റ് ഗംഗന്‍ തൃക്കരിപ്പൂര്‍, ജനറല്‍ സെക്രട്ടറി റോജി ജോണ്‍ ട്രെഷറര്‍ ഫിലിപ്പ് വര്‍ഗീസ്, വൈസ്‌പ്രെസിഡന്റ് സുരേഷ് പുത്തന്‍വിളയില്‍ ജോയിന്റ് സെക്രട്ടറി രമ്യ ഗിരീഷ് സംബന്ധിച്ചു. രാജേഷ് പന്മന, അശ്വിന്‍, ഗിരീഷ്പിള്ള, സുനില്‍, ഗിരീഷ്, സാബു അഗസ്റ്റിന്‍, മിഥുന്‍ എന്നിവര്‍ നേതൃത്വം നല്‍കി.