മങ്കട: പുതിയ അധ്യയന വര്‍ഷാരംഭത്തില്‍ മങ്കട മണ്ഡലത്തിലെ എട്ട് സര്‍ക്കാര്‍ സ്‌കൂളുകള്‍ക്കുളള ബസുകള്‍ വിതരണം ചെയ്യും. വിതരണ ചടങ്ങ് മക്കരപ്പറമ്പ് ഗവ. ഹയര്‍ സെക്കന്‍ഡറി സ്‌കൂളില്‍ നടക്കും. മാര്‍ക്കബ്ള്‍ മങ്കട പദ്ധതിയുടെ ഭാഗമായി കുട്ടികളുടെ സുഖയാത്രക്ക് അനുവദിച്ച ബസുകളാണ് വിതരണം ചെയ്യുന്നത്. ടി.എ അഹമ്മദ് കബീര്‍ എം.എല്‍.എയുടെ 2015-16 സാമ്പത്തിക വര്‍ഷത്തെ ആസ്തി വികസന ഫണ്ടണ്ടില്‍ നിന്നും അനുവദിച്ച 129 ലക്ഷം രൂപ ഉപയോഗിച്ചാണ് ഫണ്ടണ്ട് അനുവദിച്ചത്.
മങ്കട പള്ളിപ്പുറം ഹയര്‍ സെക്കന്‍ഡറി, മങ്കട പള്ളിപ്പുറം ജി.യു.പി സ്‌കൂള്‍, മങ്കട ഗവ. ഹൈസ്‌കൂള്‍, ചേരിയം ഹൈസ്‌കൂള്‍, കടുങ്ങപുരം ഗവ. ഹൈസ്‌കൂള്‍, പനങ്ങാങ്ങര ജി.യു.പി സ്‌കൂള്‍, മക്കരപ്പറമ്പ് ഗവ. ഹൈസ്‌കൂള്‍, പാങ്ങ്് ഹയര്‍ സെക്കന്‍ഡറി സ്‌കൂള്‍ എന്നീ സ്‌കൂളുകള്‍ക്കാണ് ബസുകള്‍ അനുവദിച്ച്. ഇതിനു പുറമേ മങ്കട ഗവ. കോളജിന് അനുവദിച്ച സ്‌കൂളും വിതരണത്തിനു തയാറായിട്ടുണ്ട്.
നിയുക്ത എം.പി പി.കെ കുഞ്ഞാലിക്കുട്ടി വിതരണോദ്ഘാടനം നിര്‍വഹിക്കും. ടി.എ അഹമ്മദ് കബീര്‍ എം.എല്‍.എ അധ്യക്ഷനാകും. കൂട്ടിലങ്ങാടിയില്‍ നിന്ന് രാവിലെ ഒന്‍പതിന് വാഹനങ്ങള്‍ ഘോഷയാത്രയായി വള്ളിക്കാപറ്റ, മങ്കട, തിരൂര്‍ക്കാട്, അങ്ങാടിപ്പുറം, കൊളത്തൂര്‍, പടപ്പറമ്പ്, കടുങ്ങപുരം, 38 രാമപുരം വഴി മക്കരപ്പറമ്പില്‍ സമാപിക്കും.