ജയ്പൂര്‍: പരിശീലനത്തിനിടെയുണ്ടായ സ്‌ഫോടനത്തില്‍ ആറ് ബി.എസ്.എഫ് ജവാന്മാര്‍ക്ക് പരുക്കേറ്റു. രണ്ടു പേരുടെ നില ഗുരുതരമാണ്. രാജസ്ഥാനിലെ കിഷന്‍ദഡ് ഫയറിങ് റേഞ്ചില്‍ ഇന്ന് രാവിലെ 8.30ഓടെയാണ് സംഭവം നടന്നത്. 51എം.എം മോര്‍ട്ടാര്‍ ഷെല്ലുകളുപയോഗിച്ചുള്ള പരിശീലനത്തിനിടെയായിരുന്നു അപകടം.

ഗുരുതരമായി പരുക്കേറ്റ രണ്ടുപേരെ ജോധ്പൂരിലേക്ക് വ്യോമമാര്‍ഗം കൊണ്ടു പോയി. മറ്റുള്ളവര്‍ക്ക് പ്രാഥമിക ശ്രുശൂഷ നല്‍കി.

പരിശീലനത്തിനിടെയുണ്ടാകുന്ന മോര്‍ട്ടാര്‍ സ്‌ഫോടനങ്ങളില്‍ ഈ വര്‍ഷം റിപ്പോര്‍ട്ട് ചെയ്യുന്ന മൂന്നാമത്തെ സംഭവമാണ് രാജസ്ഥാനിലേത്. കഴിഞ്ഞ ആഴ്ച അരുണാചല്‍പ്രദേശിലെ തവാങ്ങിലെ ഷൂട്ടിങ് റേഞ്ചില്‍ പരിശീലനത്തിനിടെയുണ്ടായ മോര്‍ട്ടാര്‍ ഷെല്‍ സ്‌ഫോടനത്തില്‍ ഒരു സൈനികന്റെ ജീവന്‍ നഷ്ടമായിരുന്നു.