കുട്ടനാട്: കുട്ടനാടിന്റെ സാമൂഹ്യ  പ്രശ്‌നങ്ങള്‍ക്ക് ബോധവത്ക്കരണത്തിലൂടെ പരിഹാരം കാണുകയെന്ന ലക്ഷ്യത്തോടെ മജീഷ്യന്‍ മനു  മങ്കൊമ്പിന്റെ നേത്യത്വത്തില്‍ ഇരുപത് മജീഷ്യന്‍മാര്‍ കണ്ണുകെട്ടി ബൈക്ക് യാത്രയും ബോധവത്ക്കരണവും സംഘടിപ്പിച്ചു.
പ്ലാസ്റ്റിക്ക് മലിനീകരണം, നെല്‍വയല്‍ സംരക്ഷണം, പുഴ മലിനീകരണം, ലഹരി  ഉപയോഗം എന്നിവയുടെ നേര്‍ക്കാഴ്ച്ചകള്‍ മാജിക്കിലൂടെ സംഘം വരച്ചുകാട്ടി. മങ്കൊമ്പ് ജങ്ഷനില്‍  നിന്നും ആരംഭിച്ച ബോധവത്ക്കരണ യാത്ര തെരുവ് മാന്ത്രികന്‍ പൂവത്ത് രാഘവന്‍ ഉദ്ഘാടനം ചെയ്തു.  
കുട്ടനാട്ടിലെ ഉള്‍പ്രദേശങ്ങളില്‍ ഉള്‍പ്പെടെ സംഘം ബോധവത്ക്കരണം നടത്തി. വിവിധ കേന്ദ്രങ്ങളില്‍  ജനപ്രതിനിധികളും എക്‌സൈസ്  പൊലിസ് ഉദ്യോഗസ്ഥരും ബൈക്ക് റാലി ഫ്‌ളാഗ് ഓഫ്  ചെയ്തു. ചര്‍ച്ചകള്‍, മാജിക്ക് മത്സരം, എന്നിവയും നടത്തി.