കണ്ണൂര്‍: കണ്ണൂര്‍ സര്‍വകലാശാലയില്‍ താല്‍ക്കാലിക അസിസ്റ്റന്റുമാരെ നിയമിക്കുന്നതില്‍ വന്‍ അഴിമതി നടന്നിട്ടുണ്ടെന്നും ഇതില്‍ അന്വേഷണം നടത്തണമെന്നും കേരള പ്രൈവറ്റ് കോളജ് ടീച്ചേഴ്‌സ് അസോസിയേഷന്‍ മേഖലാ കമ്മിറ്റി ആവശ്യപ്പെട്ടു.
സര്‍വകലാശാലയില്‍ വരുന്ന ഒഴിവിലേക്ക് എംപ്ലോയ്‌മെന്റ് എക്‌സ്‌ചേഞ്ച് വഴി താല്‍ക്കാലിക ജീവനക്കാരെ നിയമിക്കാം എന്നിരിക്കെ വൈസ് ചാന്‍സിലറുടെ അനുമതിയോടെ പ്രോ വൈസ് ചാന്‍സിലറുടെ ഓഫിസ് കേന്ദ്രീകരിച്ച് നടക്കുന്ന ഇന്റര്‍വ്യു പ്രഹസനം മാത്രമാക്കി മാറ്റി സ്വന്തക്കാരെ തിരുകിക്കയറ്റാനുള്ള ശ്രമമാണ് ഇതിന് പിന്നിലുള്ളതെന്നും യോഗം ആരോപിച്ചു. ഡോ. പ്രേമചന്ദ്രന്‍ കീഴോത്ത് അധ്യക്ഷനായി. ഡോ. ആര്‍.കെ ബിജു, ഡോ. വി.ടി.വി മോഹനന്‍, ഡോ. പ്രേംകുമാര്‍, പ്രൊഫ. പ്രജു, കെ. പോള്‍ സംസാരിച്ചു.