കോഴിക്കോട്: എസ്.കെ.എസ്.എസ്.എഫ് ജില്ലാ കമ്മിറ്റി ഭീകരതക്കും തീവ്രവാദത്തിനുമെതിരേ ഓഗസ്റ്റ് 15 വരെ ആചരിക്കുന്ന പ്രതിരോധയജ്ഞത്തിന് ഇന്ന് എടച്ചേരി മേഖലയിലെ കാര്‍ക്കാള്ളരി പഞ്ചായത്ത് ഓഡിറ്റോറിയത്തില്‍ തുടക്കമാകും. പൗരസ്വാതന്ത്ര്യം ഹനിക്കപ്പെടുകയും ഭീകര-വര്‍ഗീയ-തീവ്രവാദ-വിധ്വംസക കക്ഷികള്‍ ഭീതി പടര്‍ത്തുന്ന വിധം അഴിഞ്ഞാടുകയും ചെയ്യുന്ന സാഹചര്യത്തില്‍ തല്‍പരകക്ഷികളെ പൊതുസമൂഹത്തില്‍ തുറന്നുകാട്ടുകയാണ് പരിപാടിയുടെ ലക്ഷ്യം.
ഉദ്ഘാടന സമ്മേളനത്തില്‍ സമസ്ത കേന്ദ്ര മുശാവറ അംഗം ചേലക്കാട് മുഹമ്മദ് മുസ്‌ലിയാര്‍, പാറക്കല്‍ അബ്ദുല്ല എം.എല്‍.എ, സയ്യിദ് ടി.പി.സി തങ്ങള്‍, അബൂബക്കര്‍ ഫൈസി മലയമ്മ, സലാം ഫൈസി മുക്കം, അഷ്‌റഫ് മൗലവി വാണിമേല്‍ സംബന്ധിക്കും.
എസ്.ഡി.പി.ഐ പ്രവര്‍ത്തകരാല്‍ കൊല ചെയ്യപ്പെട്ട നസീറുദ്ദീന്‍ അനുസ്മരണം, സ്റ്റുഡന്റ്‌സ് കാബിനറ്റ്, സ്‌നേഹസംഗമം, ടേബിള്‍ ടോക്ക്, ഫ്രീഡം സ്‌ക്വയര്‍ തുടങ്ങിയ പരിപാടികള്‍ പ്രതിരോധയജ്ഞത്തിന്റെ ഭാഗമായി ശാഖാ, ക്ലസ്റ്റര്‍, മേഖലാ, എരിയാ തലങ്ങളില്‍ നടക്കും.