മനാമ: ജന്‍മ നാട്ടില്‍ ഭരണഘടന അനുവദിക്കുന്ന വിശ്വാസ സ്വാതന്ത്ര്യത്തിനും പൗരാവകാശ സംരക്ഷണത്തിനുമായി ഇന്ന് കോഴിക്കോട് മുതലക്കുളത്ത് നടക്കുന്ന സമസ്ത ശരീഅത്ത് സംരക്ഷണ സമ്മേളനത്തിന് പ്രവാസലോകത്തും ആവേശകരമായ ഐക്യദാര്‍ഢ്യ സംഗമങ്ങള്‍ നടന്നു. ഗള്‍ഫിലെ വാരാന്ത അവധി ദിനങ്ങള്‍ ഉപയോഗപ്പെടുത്തി വ്യാഴം, വെള്ളി ദിവസങ്ങളിലായാണ് വിവിധ ഗള്‍ഫ് രാഷ്ട്രങ്ങളില്‍ ഐക്യദാര്‍ഢ്യ സംഗമങ്ങള്‍ നടന്നത്. സഊദി അറേബ്യ, യു.എ.ഇ, ബഹ്‌റൈന്‍, ഖത്തര്‍, കുവൈത്ത്, ഒമാന്‍ തുടങ്ങിയ ജി.സി.സി രാഷ്ട്രങ്ങളിലെല്ലാം വ്യാപകമായ ഐക്യദാര്‍ഢ്യ സംഗമങ്ങളും ഒപ്പുശേഖരണവും സംഘടിപ്പിച്ചിരുന്നു.