കൊല്ലം: ദേശീയപാതയോരങ്ങളിലെ മദ്യശാലകള്‍ പൂട്ടിക്കണമെന്ന സുപ്രിംകോടതി വിധിയെ സംസ്ഥാന സര്‍ക്കാര്‍ റോഡിന്റെ ഗ്രേഡ് മാറ്റി അട്ടിമറിക്കാന്‍ ശ്രമിക്കുകയാണെന്ന് മനുഷ്യാവകാശ നീതിഫോറം സംസ്ഥാന കമ്മിറ്റി കുറ്റപ്പെടുത്തി.
ജനങ്ങളെ മറന്നു മദ്യലോബികള്‍ക്ക് കൂട്ടുനില്‍ക്കുന്ന നയമാണ് സര്‍ക്കാര്‍ സ്വീകരിക്കുന്നത്. ഹൈവേ വികസനം ഉടന്‍ നടപ്പാക്കുമെന്ന് പ്രഖ്യാപിച്ച് അധികാരമേറ്റ പിണറായി സര്‍ക്കാര്‍ വാഗ്ദാന ലംഘനം നടത്തുകയാണെന്നും യോഗം അഭിപ്രായപ്പെട്ടു. സംസ്ഥാന ചെയര്‍മാന്‍ കെ.പി മുഹമ്മദ് അധ്യക്ഷനായി. ബി. മോഹനന്‍, എം. മൈതീന്‍കുഞ്ഞ്, തഴവ സത്യന്‍, എസ് സുവര്‍ണകുമാര്‍, കെ. കൃഷ്ണന്‍കുട്ടി, മുനമ്പത്ത് ഷിഹാബ്, ശശിധരന്‍ അനിയന്‍സ്, എ. മുഹമ്മദ്കുഞ്ഞ്, രാജി ഉണ്ണികൃഷ്ണന്‍, മെഹര്‍ഖാന്‍, രമണന്‍ സംസാരിച്ചു.