ഭോപ്പാല്‍: ലോക്‌സഭാ തെരഞ്ഞെടുപ്പിന് മുന്‍പുതന്നെ രാജ്യത്തെ ജനങ്ങളെ വെല്ലുവിളിച്ച് ബി.ജെ.പി അധ്യക്ഷന്‍ അമിത് ഷാ.
തെരഞ്ഞെടുപ്പില്‍ വിജയിച്ചാല്‍ അതിര്‍ത്തി സംസ്ഥാനങ്ങളിലെ നുഴഞ്ഞുകയറ്റക്കാരെ മുഴുവന്‍ രാജ്യത്തിന് പുറത്തു കടത്തുമെന്നാണ് അദ്ദേഹം മധ്യപ്രദേശില്‍ തെരഞ്ഞെടുപ്പ് റാലിയില്‍ മുന്നറിയിപ്പ് നല്‍കിയത്.
നുഴഞ്ഞുകയറ്റക്കാര്‍ വോട്ടുബാങ്കുകളായതുകൊണ്ടാണ് കോണ്‍ഗ്രസും സമാജ് വാദി പാര്‍ട്ടിയും ബി.എസ്.പിയുമെല്ലാം അവരെ പിന്തുണക്കുന്നത്.
എന്നാല്‍, ബി.ജെ.പിയുടെ ലക്ഷ്യം രാജ്യ സുരക്ഷയാണെന്ന വൈകാരികതയും അദ്ദേഹം മുന്നോട്ടുവച്ചു.