ആലപ്പുഴ: പരിസ്ഥിതി ലോല പ്രദേശങ്ങളില്‍ നിര്‍മാണ പ്രവര്‍ത്തനങ്ങള്‍ അനുവദിക്കില്ലെന്ന് പറയുന്ന മുഖ്യമന്ത്രി പിണറായി വിജയന് ആത്മാര്‍ഥതയുïെങ്കില്‍ പിടിവാശി ഉപേക്ഷിച്ച് ഗാഡ്ഗില്‍ റിപ്പോര്‍ട്ട് നടപ്പാക്കാന്‍ തയാറാകണമെന്ന് പി.ടി തോമസ് എം.എല്‍.എ. കഴിഞ്ഞ പ്രളയത്തില്‍നിന്ന് മുഖ്യമന്ത്രി ഒരുപാഠവും പഠിച്ചില്ലെന്നത് തെളിയിക്കുന്നതാണ് ഇത്തവണ ദുരന്തകാലത്ത് നടത്തിയ പ്രവര്‍ത്തനങ്ങള്‍. ദുരന്തനിവാരണ പ്രവര്‍ത്തനങ്ങള്‍ ഏകോപിപ്പിക്കുന്നതില്‍ മുഖ്യമന്ത്രി പരാജയപ്പെട്ടെന്നും അദ്ദേഹം പറഞ്ഞു. ആലപ്പുഴ പ്രസ്‌ക്ലബില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു പി.ടി തോമസ്. വലിയ ദുരന്തമുïായ കവളപ്പാറയില്‍നിന്ന് 300 പേരെ ഒഴിപ്പിച്ചെന്നും 100 പേര്‍ ഒഴിഞ്ഞു പോകാന്‍ തയാറാകുന്നില്ലെന്നുമുള്ള മുഖ്യമന്ത്രിയുടെ പ്രസ്താവന തന്നെ പരാജയം സമ്മതിക്കുന്നതാണ്. 2005 ലെ ഡിസാസ്റ്റര്‍ മാനേജ്‌മെന്റ് ആക്ട് അനുസരിച്ച് ഇതിന്റെ ചെയര്‍മാനായ മുഖ്യമന്ത്രിക്ക് പ്രത്യേക അധികാരങ്ങള്‍ ഉപയോഗിക്കാം. ദുരന്തസ്ഥലത്തുനിന്ന് മാറാത്തവരെ ബലംപ്രയോഗിച്ച് ഒഴിപ്പിക്കാനും അറസ്റ്റ് ചെയ്ത് നീക്കാനും അധികാരമുï്. ഇവയൊന്നും മുഖ്യമന്ത്രി പ്രയോഗിച്ചില്ലെന്നും പി.ടി തോമസ് കുറ്റപ്പെടുത്തി.