ബ്രസ്സല്‍സ്: അന്താരാഷ്ട്ര സൗഹൃദ ഫുട്‌ബോള്‍ മത്സരങ്ങളില്‍ വമ്പന്‍മാരായ ബെല്‍ജിയത്തിന് തകര്‍പ്പന്‍ ജയം. എന്നാല്‍ ഹംഗറിക്ക് റഷ്യക്കെതിരേ വമ്പന്‍ തോല്‍വി നേരിട്ടു. ബെല്‍ജിയം ഒന്നിനെതിരേ രണ്ടു ഗോളുകള്‍ക്ക് ചെക്ക് റിപബ്ലിക്കിനെ പരാജയപ്പെടുത്തിയപ്പോള്‍ റഷ്യ എതിരില്ലാത്ത മൂന്നു ഗോളിന് ഹംഗറിയെ അട്ടിമറിക്കുകയായിരുന്നു.
ചെക്കിനെതിരേ ഇഞ്ചോടിഞ്ച് പോരാട്ടത്തിലാണ് ബെല്‍ജിയം ജയം സ്വന്തമാക്കിയത്. ആദ്യ 30 മിനുട്ടിനുള്ളില്‍ ഇരുടീമുകളും ഓരോ ഗോള്‍ വീതം നേടി സമനിലയിലായിരുന്നു. ബാദ്ഷുവായ് 25ാം മിനുട്ടില്‍ ബെല്‍ജിയത്തിന്റെ ഗോള്‍ നേടിയപ്പോള്‍ 29ാം മിനുട്ടില്‍ ക്രെംസിക് ചെക്കിന് വേണ്ടി സമനില ഗോള്‍ നേടി.
ഇരുടീമുകളും ആക്രമണം കൊണ്ടും മികച്ച നിന്നപ്പോള്‍ മത്സരം സമനിലയില്‍ കലാശിക്കുമെന്നായിരുന്നു പ്രതീക്ഷ. എന്നാല്‍ പ്രതിരോധത്തിലെ പിഴവ് ചെക്കിന് തിരിച്ചടിയാവുകയായിരുന്നു. രണ്ടാം പകുതി ആരംഭിച്ച് ഏഴു മിനുട്ടിനകം ഫെല്ലിനിയിലൂടെ ബെല്‍ജിയം ജയം ഉറപ്പിക്കുകയായിരുന്നു. തകര്‍പ്പനൊരു ഹെഡ്ഡറിലൂടെയാണ് താരം ടീമിന് ജയം നേടിക്കൊടുത്തത്.
ഹംഗറിയെ ഞെട്ടിച്ച നീക്കങ്ങളിലൂടെയാണ് റഷ്യ മൂന്നു ഗോളിന്റെ ഗംഭീര ജയം സ്വന്തമാക്കിയത്. സ്‌മോളോവ്, പോളോസ് എന്നിവര്‍ ഓരോ ഗോള്‍ വീതം സ്‌കോര്‍ ചെയ്തപ്പോള്‍ എപ്പെല്ലിന്റെ സെല്‍ഫ് ഗോളാണ് അവരുടെ സ്‌കോര്‍ ഉയര്‍ത്തുകയും ചെയ്തു. 20ാം മിനുട്ടിലാണ് ടീം അക്കൗണ്ട് തുറന്നത്. രണ്ടാം പകുതി അവസാനിക്കാനിരിക്കെ എപ്പെല്ലിന്റെ ഗോള്‍ ബെല്‍ജിയത്തെ വീണ്ടും ഞെട്ടിച്ചു. 89ാം മിനുട്ടിലാണ് പോളോസിന്റെ മൂന്നാം ഗോള്‍ പിറന്നത്. മറ്റൊരു മത്സരത്തില്‍ ഈജിപ്ത് എതിരില്ലാത്ത ഒരു ഗോളിന് ലിബിയയെ വീഴ്ത്തി. വാഗി അബ്ദെല്‍ ഹാകിം ഈജിപ്തിന്റെ വിജയഗോള്‍ സ്വന്തമാക്കി.