ഈരാറ്റുപേട്ട: റമദാന്‍ വിപണിയില്‍ പലഹാര കച്ചവടം പൊടിപൊടിക്കുന്നു.  വൈവിധൃങ്ങളുടെ പലഹാരങ്ങളുടെ വിപണി ടൗണില്‍ സജീവം. മഴക്കാലമായതിനാല്‍ പഴവര്‍ഗങ്ങളോട് താല്‍പര്യക്കുറവ് കാരണം പലഹാര വിപണി നഗരത്തില്‍ സജീവമാകുന്നു.
റമദാനില്‍ ഹോട്ടലുകള്‍ മിക്കതും അടഞ്ഞുകിടക്കുന്നതിനാല്‍ ചെറിയ കടകള്‍ കേന്ദ്രീകരിച്ചാണ് പലഹാര കച്ചവടം നടത്തുന്നത്. ഉഴുന്നുവട, ഉള്ളി വട, സമൂസ, മുളക് ബജി, എഗ്ഗ്ബജി,ഏത്തായ്ക്കാ ബോളി തുടങ്ങിയ ചെറു പലഹാരങ്ങളാണ് വിപണിയില്‍ ഏറെയും. ഈ പലഹാരങ്ങളെല്ലാം അഞ്ചു രൂപയ്ക്കാണ് വില്‍പന നടത്തുന്നത്.
പലഹാരങ്ങള്‍ കൂടാതെ ഇടിയപ്പം, പത്തിരി ,വെള്ളയപ്പം എന്നിവയ്ക്ക് ഓര്‍ഡര്‍ അനുസരിച്ച് ആവശ്യക്കാര്‍ക്ക് എത്തിച്ചു നല്‍കുന്നവരും സജീവമായി. സമൂഹ നോമ്പുതുറ നടത്തന്നുവരാണ് ഇതില്‍ ആവശ്യക്കാരിലധികവും
വൈകിട്ട് മൂന്ന് മണിയോടു കൂടിയാണ് പലഹാര കച്ചവടം സജീവമാകുന്നത്.