കണ്ണൂര്‍: എരണംകെട്ടവനാണ് നാട് ഭരിക്കുന്നതെന്നും ഡി.ജി.പി ലോക്‌നാഥ് ബെഹ്‌റ മദ്ഗുണനാണെന്നും കോണ്‍ഗ്രസ് രാഷ്ട്രീയകാര്യ സമിതിയംഗം കെ. മുരളീധരന്‍ എം.പി. കണ്ണൂര്‍ കലക്ടറേറ്റിന് മുന്നില്‍ യു.ഡി.എഫ് രാപകല്‍ സമരം ഉദ്ഘാടനം ചെയ്യുകയായിരുന്നു അദ്ദേഹം.
ലോക്‌നാഥ് ബെഹ്‌റയെ സി.പി.എം ബ്രാഞ്ച് സെക്രട്ടറിയോട് ഉപമിച്ചതിന് കെ.പി.സി.സി പ്രസിഡന്റ് മുല്ലപ്പള്ളിക്കെതിരേ മാനനഷ്ടകേസ് നല്‍കുമെന്നാണ് ഡി.ജി.പി ലോക്‌നാഥ് ബെഹ്‌റ പറയുന്നത്. മാനമുള്ളവര്‍ക്കല്ലേ, മാനം നഷ്ടപ്പെടുകയുള്ളൂ. ലോക്‌നാഥ് ബെഹ്‌റ വെറും മദ്ഗുണനാണ്. എനിക്കെതിരേയും കേസെടുക്കട്ടെ. എരണംകെട്ടവന്‍ നാട് ഭരിച്ചാല്‍ നാട് മുടിയുമെന്ന് കേട്ടിട്ടുണ്ടെന്നും അദ്ദേഹം പറഞ്ഞു.