ചണ്ഡിഗഡ്: കാര്‍ഷിക മേഖലയിലെ തിരിച്ചടി മറികടക്കാന്‍ പഞ്ചാബിന് പ്രത്യേക പാക്കേജ് പ്രഖ്യാപിക്കണമെന്ന് മുഖ്യമന്ത്രി ക്യാപ്റ്റന്‍ അമരിന്ദര്‍ സിങ് ആവശ്യപ്പെട്ടു. പ്രധാനമന്ത്രിയുമായി ഇതുസംബന്ധിച്ച് ചര്‍ച്ച നടത്തിയതായി മുഖ്യമന്ത്രി അറിയിച്ചു. കര്‍ഷകരുടെ കടങ്ങള്‍ എഴുതിത്തള്ളാന്‍ സംസ്ഥാന സര്‍ക്കാര്‍ തയാറാണ്. അതിനായി കേന്ദ്രത്തിന്റെ സമ്പത്തിക സഹായം കൂടി തങ്ങള്‍ക്ക് വേണമെന്ന് അദ്ദേഹം വ്യക്തമാക്കി. തെരഞ്ഞെടുപ്പ് വാഗ്ദാനങ്ങളില്‍ ഒന്നായിരുന്നു കാര്‍ഷിക ലോണ്‍ എഴുതിത്തള്ളുക എന്നത്. ഇക്കാര്യത്തില്‍ അനുകൂല നിലപാട് സ്വീകരിക്കുമെന്ന് അമരിന്ദര്‍ സിങ് അറിയിച്ചു.