HOME
DETAILS

സീറോ വേസ്റ്റ് പദ്ധതിയുടെ മറവില്‍ റോഡില്‍ മാലിന്യം തള്ളുന്നതായി പരാതി

  
backup
October 27 2018 | 03:10 AM

%e0%b4%b8%e0%b5%80%e0%b4%b1%e0%b5%8b-%e0%b4%b5%e0%b5%87%e0%b4%b8%e0%b5%8d%e0%b4%b1%e0%b5%8d%e0%b4%b1%e0%b5%8d-%e0%b4%aa%e0%b4%a6%e0%b5%8d%e0%b4%a7%e0%b4%a4%e0%b4%bf%e0%b4%af%e0%b5%81%e0%b4%9f%e0%b5%86

വടകര: സീറോ വേസ്റ്റ് പദ്ധതിയുടെ ഭാഗമായി വടകരയില്‍ നടക്കുന്ന അജൈവ മാലിന്യ നിര്‍മാര്‍ജനത്തിന്റെ മറവില്‍ ഭക്ഷണാവശിഷ്ടങ്ങള്‍ തള്ളുന്നതായി പരാതി. ജില്ലാ ആശുപത്രിക്ക് സമീപത്തെ ചെറുശേറി റോഡിലാണ് മാലിന്യം തള്ളിയത്.
സീറോ വേസ്റ്റ് പദ്ധതിയുടെ ഭാഗമായി വടകര നഗരസഭയിലെ ഹരിത കര്‍മ സേന പ്രവര്‍ത്തകര്‍ വാര്‍ഡുകളില്‍ നിന്നു ശേഖരിക്കുന്ന അജൈവ മാലിന്യങ്ങള്‍ തരംതിരിക്കല്‍ കേന്ദ്രത്തിലേക്ക് അയക്കുന്നതിന്നിതിനു വേണ്ടി ഓരോ വാര്‍ഡിലെയും നിശ്ചിത സ്ഥലത്ത് സൂക്ഷിക്കാറുണ്ട്. ഇവക്കിടയിലാണ് ചിലര്‍ ഹോട്ടലുകളിലേയും കൂള്‍ബാറിലേയും മറ്റും മാലിന്യം തള്ളി കടന്നുകളയുന്നത്. ചെറുശേരി റോഡിലാകെ ഭക്ഷണാവശിഷ്ടങ്ങളും മാലിന്യങ്ങളും പരന്ന് കിടക്കുകയായിരുന്നു. അന്വേഷിച്ചപ്പോഴാണ് നഗരത്തിലെ ഒരു കടയില്‍ നിന്നുള്ള മാലിന്യമാണെന്ന് വ്യക്തമായത്.
നഗരത്തിന്റെ പലഭാഗത്തും രാത്രിയുടെ മറവില്‍ ഇത്തരം പ്രവൃത്തികള്‍ നടക്കുകയാണ്. ഇതിന്റെ ദുരിതം പേറുന്നതാവട്ടെ പരിസരവാസികളും. ഇക്കാര്യത്തില്‍ ശക്തമായ നടപടിയുണ്ടാവുമെന്ന് മുനിസിപ്പല്‍ ആരോഗ്യ വിഭാഗം ഉദ്യോഗസ്ഥന്‍ പറഞ്ഞു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."