ദമാം: വയനാട് സ്വദേശിയെ ഉറക്കില്‍ മരിച്ച നിലയില്‍ കണ്ടെത്തി. വയനാട് പൊഴുതനയില്‍ ദാമോദരന്‍ ജാനു ദമ്പതികളുടെ മകന്‍ ജയപ്രകാശിനെയാണ് (58) ജുബൈല്‍ ദാഖില്‍ മൗദൂദിലെ താമസ സ്ഥലത്ത് ഉറക്കത്തില്‍ മരിച്ച നിലയില്‍ കണ്ടെത്തിയത്. കഴിഞ്ഞ ദിവസം പുലര്‍ച്ചെ മൂന്നു മണിക്ക് സുഹൃത്തുക്കളോടൊപ്പം ഭക്ഷണം കഴിച്ച് കിടന്നതായിരുന്നു. ഹൃദയാഘാതമാണ് മരണ കാരണമെന്ന് കരുതുന്നു.
23 വര്‍ഷം സഊദിയിലെ ജിദ്ദയിലായിരുന്ന ഇദ്ദേഹം നാട്ടില്‍ പോയി 3 വര്‍ഷം താമസിച്ച് ജോലിക്കായി വീണ്ടും തിരിച്ചെത്തിയിട്ട് ഒരു മാസമേ ആയിട്ടുള്ളൂ. മീരയാണ് ഭാര്യ. മൃതദേഹം ജുബൈല്‍ ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കയാണ്.