കോഴിക്കോട്: ജനുവരി 30 മുതല്‍ ഫെബ്രുവരി രണ്ട് വരെ തായ്‌ലാന്‍ഡില്‍ ഏഷ്യ വേള്‍ഡ് മോഡല്‍ യുണൈറ്റഡ് നേഷന്‍സ് സംഘടിപ്പിക്കുന്ന അന്താരഷ്ട്ര വിദ്യാര്‍ഥി സമ്മേളനത്തില്‍ കുറ്റിച്ചിറ സ്വദേശികളായ സി.വി സഫുവാന്‍ ബറാമിയും മിര്‍സാദ് അലിയും പങ്കെടുക്കും.
കുണ്ടുങ്ങല്‍ സ്വദേശികളായ സി.പി മൂസ ബറാമിയുടെയും സി.വി നജുമയുടെയും മകനായ സഫുവാന്‍ നിലവില്‍ ഹൈദരാബാദ് ഇഫ്‌ലു ബിരുദാനന്തര ബിരുധ വിദ്യാര്‍ഥിയാണ്. കുറ്റിച്ചിറ മാവൂര്‍ ഹൗസില്‍ സി.കെ.വി. ഫസലിന്റെയും മുനവ്വര്‍ സുല്‍ത്താനയുടെയും മകന്‍ മിര്‍സാദ് അലി കൊച്ചി ശാസ്ത്ര സാങ്കേതിക സര്‍വകലാശാലയില്‍ മെക്കാനിക്കല്‍ എഞ്ചിനിയറിങ്ങ് വിദ്യാര്‍ഥിയാണ്. ലോകാരോഗ്യ സംഘടന, യുനെസ്‌കോ, ഇന്റര്‍നാഷണല്‍ മോണിറ്ററി ഫണ്ട്, അന്താരാഷ്ട്ര തൊഴിലാളി സംഘടന തുടങ്ങിയവയുടെ മേധാവികള്‍, ലോക രാഷ്ട്ര നേതാക്കള്‍ എന്നിവര്‍ വിദ്യാര്‍ഥികളുമായി സംവദിക്കും. വിവിധ വിഷയങ്ങളിലുള്ള പേപ്പര്‍ പ്രസന്റേഷനുകള്‍, ചര്‍ച്ചകള്‍, സംവാദങ്ങള്‍ തുടങ്ങിയവക്ക് സമ്മേളനത്തില്‍ അവസരമുണ്ടാകും.