കോത്തഗിരി: കുഞ്ചപ്പന വനത്തില്‍നിന്നു ആനക്കൊമ്പ് മോഷ്ടിച്ച കേസില്‍ രണ്ടു പേരെ വനം വകുപ്പ് അറസ്റ്റു ചെയ്തു. കോത്തഗിരി സ്വദേശികളായ കുബേന്ദ്രന്‍(40), സിങ്കം(37) എന്നിവരാണ് പിടിയിലായത്. 2015ലാണ് പ്രതികള്‍ ആനക്കൊമ്പ് മോഷ്ടിച്ചത്. ഇവര്‍ക്കെതിരെ വനംവകുപ്പ് കേസ് രജിസ്റ്റര്‍ ചെയ്തതോടെ ഇരുവരും ഒളിവില്‍ പോയതായിരുന്നു.
കഴിഞ്ഞ ദിവസം ലഭിച്ച രഹസ്യവിവരത്തിന്റെ അടിസ്ഥാനത്തില്‍ അറയൂര്‍ ആദിവാസി ഗ്രാമത്തിനടുത്ത് വനംവകുപ്പ് നടത്തിയ പരിശോധനയിലാണ് രണ്ടുപേരും പിടിയിലായത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.