തിരുവനന്തപുരം: കെ.ടി ജലീലിന്റെ ഇടപെടലിലൂടെ കെ.ടി.യുവിനു കീഴില്‍ വിദ്യാര്‍ഥിക്ക് ക്രമവിരുദ്ധമായി മാര്‍ക്ക് നല്‍കിയ സ്വജനപക്ഷപാതത്തില്‍ അന്വേഷണം നടത്തുക, എന്‍ജിനീയറിങ് വിദ്യാര്‍ഥികളോട് യൂനിവേഴ്‌സിറ്റിയും അധികാരികളും സ്വീകരിക്കുന്ന നിഷേധാത്മക നിലപാട് അവസാനിപ്പിക്കുക, യൂനിവേഴ്‌സിറ്റി പരീക്ഷകളും സപ്ലിമെന്ററി പരീക്ഷകളും സമയബന്ധിതമായി നടത്തി പരീക്ഷാഫലങ്ങള്‍ വേഗത്തില്‍ പ്രസിദ്ധപ്പെടുത്തുക തുടങ്ങിയ ആവശ്യങ്ങള്‍ ഉന്നയിച്ച് കേരള ടെക്‌നിക്കല്‍ യൂനിവേഴ്‌സിറ്റിക്ക് (കെ.ടി.യു) കീഴിലുള്ള എന്‍ജിനീയറിങ് കോളജുകളില്‍ ഇന്ന് പഠിപ്പുമുടക്കുമെന്നും സര്‍വകലാശാല ആസ്ഥാനത്തേക്ക് മാര്‍ച്ച് സംഘടിപ്പിക്കുമെന്നും കെ.എസ്.യു പ്രസിഡന്റ് കെ.എം അഭിജിത്ത് അറിയിച്ചു.