ഡബ്ലിന്‍: അയര്‍ലന്‍ഡിന്റെ ചരിത്രത്തില്‍ ഏറ്റവും പ്രായം കുറഞ്ഞതും ആദ്യ സ്വവര്‍ഗാനുരാഗിയായ പ്രധാനമന്ത്രിയുമായി ഇന്ത്യന്‍ വംശജന്‍ ലിയോ വരാദ്കറി (38)നെ തെരഞ്ഞെടുത്തു. കത്തോലിക്കര്‍ക്ക് ഭൂരിപക്ഷമുള്ള രാജ്യത്താണ് സ്വവര്‍ഗാനുരാഗിയായ പ്രധാനമന്ത്രിയെ തെരഞ്ഞെടുത്തിരിക്കുന്നത്. ഡബ്ലിനില്‍ നടന്ന പാര്‍ലമെന്ററി വോട്ടെടുപ്പില്‍ 57 പേര്‍ ലിയോക്ക് അനുകൂലമായി വോട്ട് ചെയ്തു. 50 പേര്‍ എതിര്‍ത്ത് വോട്ട് രേഖപ്പെടുത്തിയപ്പോള്‍ 47 പേര്‍ വിട്ടുനിന്നു.
അയര്‍ലന്‍ഡിലെ ആദ്യത്തെ ഇന്ത്യന്‍ വംശജനായ പ്രധാനമന്ത്രി കൂടിയാണ് ലിയോ വരാദ്കര്‍. ഫൈന്‍ ഗയേല്‍ പാര്‍ട്ടി ടിക്കറ്റില്‍ ഈ മാസമാണ് അദ്ദേഹം പ്രധാനമന്ത്രി പദത്തിലേക്ക് വിജയിച്ചത്. തെരഞ്ഞെടുപ്പിന് ശേഷം ഐറിഷ് പാര്‍ലമെന്റായ ദായിലിനെ അദ്ദേഹം അഭിസംബോധന ചെയ്തു. മുംബൈ സ്വദേശി ഡോ. അശോക് വരാദ്കറും അയര്‍ലന്‍ഡുകാരിയായ നഴ്‌സ് മിറിയമുമാണ് ഇദ്ദേഹത്തിന്റെ മാതാപിതാക്കള്‍.