കല്‍പ്പറ്റ: എസ്.വൈ.എസ് ജില്ലാ എക്‌സിക്യൂട്ടീവ് ക്യാംപ് 'ഷാര്‍പ്പ് 1440'ഉം 'മുഹമ്മദ് നബി (സ): അനുപമ വ്യക്തിത്വം' എന്ന പ്രമേയത്തില്‍ ജില്ലാ മീലാദ് വിളംബര റാലിയും നാളെ നടക്കും.
നാളെ രാവിലെ പത്തിന് പാണ്ടികടവ് ക്രസന്റ് സ്‌കൂളിലാണ് ജില്ലാ എക്‌സിക്യുട്ടീവ് ക്യാംപ് നടക്കുക. സമസ്ത ജില്ലാ ട്രഷറര്‍ ഇബ്രാഹിം ഫൈസി വാളാട് ഉദ്ഘാടനം ചെയ്യും. ജില്ലാ പ്രസിഡന്റ് ഇബ്രാഹിം ഫൈസി പേരാല്‍ അധ്യക്ഷനാകും. ജില്ലാ വര്‍ക്കിങ് സെക്രട്ടറി കെ.എ നാസര്‍ മൗലവി ആറുമാസത്തേക്കുള്ള കര്‍മപദ്ധതി അവതരിപ്പിക്കും. തുടര്‍ന്ന് നടക്കുന്ന വിവിധ സെഷനുകളില്‍ ജാബിര്‍ ഹുദവി തൃക്കരിപ്പൂര്‍, ഇബാദ് സംസ്ഥാന ചെയര്‍മാന്‍ ഷാജിഹ് ഷമീര്‍ അസ്ഹരി എന്നിവര്‍ വിഷയമവതരിപ്പിക്കും. ഉച്ചക്ക് ശേഷം നടക്കുന്ന ഓണ്‍ലൈന്‍ സെഷനില്‍ അദാലത്തിലൂടെ ഓണ്‍ലൈന്‍ രജിസ്‌ട്രേഷന്‍ പൂര്‍ത്തിയാക്കിയ ശാഖകള്‍ക്ക് സംസ്ഥാന കമ്മിറ്റി നല്‍കുന്ന അംഗീകാര പത്രം ശാഖാ ഭാരവാഹികള്‍ ഏറ്റുവാങ്ങും.
അസര്‍ നിസ്‌കാരാനന്തരം പാണ്ടിക്കടവ് ജുമാമസ്ജിദ് പരിസരത്തുനിന്ന് ആരംഭിക്കുന്ന മീലാദ് വിളംബര റാലി മാനന്തവാടി ഗാന്ധി പാര്‍ക്കില്‍ പൊതുസമ്മേളനത്തോടെ സമാപിക്കും. സമസ്ത പൊതുസമ്മേളനം ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ ഉദ്ഘാടനം ചെയ്യും. ജാബിര്‍ ഹുദവി തൃക്കരിപ്പൂര്‍ പ്രമേയപ്രഭാഷണം നടത്തും. വി. മൂസക്കോയ മുസ്‌ലിയാര്‍, എസ്. മുഹമ്മദ് ദാരിമി, എം. ഹസ്സന്‍ മുസ്‌ലിയാര്‍, പിണങ്ങോട് അബൂബക്കര്‍, പി.സി ഇബ്രാഹിം ഹാജി, ഷൗക്കത്തലി മൗലവി, എം.എം ഇമ്പിച്ചിക്കോയ മുസ്‌ലിയാര്‍, അഷ്‌റഫ് ഫൈസി പനമരം, ഇബ്രാഹിം മാസ്റ്റര്‍ കൂളിവയല്‍, എം.എം ബഷീര്‍, മൊയ്തീന്‍കുട്ടി യമാനി, അയ്യൂബ് മാസ്റ്റര്‍ തുടങ്ങിയവര്‍ സംസാരിക്കും.