വള്ളുവമ്പ്രം: ദേശീയ പാതയിലെ സൂചനാ ബോര്‍ഡുകള്‍ ശുചീകരിച്ച് പൂക്കോട്ടൂര്‍ ജി.എച്ച്.എസ്.എസ് സ്‌കൂളിലെ എന്‍.എസ്.എസ് വളണ്ടിയര്‍മാരുടെ വേറിട്ട സേവനം. പൂക്കോട്ടൂര്‍ പഞ്ചായത്തിലൂടെ കടന്നുപോകുന്ന ദേശീയ പാതയുടെ ഇരുവശത്തുമുള്ള സിഗ്‌നല്‍ ബോര്‍ഡുകള്‍ ക്ലീന്‍ ചെയ്താണ് ഇവര്‍ മാതൃകയായത്.
പൂക്കോട്ടൂര്‍ പിലാക്കല്‍ മുതല്‍ വള്ളുവമ്പ്രം വരെയുള്ള 100 ഓളം സിഗ്‌നല്‍ ബോര്‍ഡുകള്‍ ക്ലീന്‍ ചെയ്തു. ശുചീകരണ പദ്ധതിയുടെ ഉദ്ഘാടനം നാഷണല്‍ ഹൈവേ അസിസ്റ്റന്റ് എന്‍ജിനിയര്‍ സി. അനീഷ് നിര്‍വഹിച്ചു. എന്‍.എസ്.എസ് പ്രോഗ്രാം കോഡിനേറ്റര്‍ പി. മുഹമ്മദ് റാഫി, വിദ്യാര്‍ഥികളായ സനത് കൃഷ്ണ, പ്രണവ്, അശ്വിന്‍, ജിഷ്ണു, അനസ് കൃഷ്ണ, സല്‍ജാസ്, മിഷഹാല്‍, ഗൗതം തുടങ്ങിയവര്‍ നേതൃത്വം നല്‍കി.