കൊല്‍ക്കത്ത: പശ്ചിമബംഗാളിനെ അപമാനിച്ച് ബി.ജെ.പി വര്‍ക്കിങ് പ്രസിഡന്റ് ജെ.പി നഡ്ഡ. പശ്ചിമബംഗാളില്‍ കാട്ടുഭരണമാണെന്നും ഭീകരതയുടെ ഭരണകാലമാണെന്നുമുള്ള പരാമര്‍ശമാണ് നടത്തിയത്.

കഴിഞ്ഞവര്‍ഷങ്ങളില്‍ രാഷ്ട്രീയ സംഘര്‍ഷങ്ങളില്‍ കൊല്ലപ്പെട്ട ബി.ജെ.പി പ്രവര്‍ത്തകര്‍ക്കു മേല്‍ 'കൂട്ട തര്‍പ്പണ'വും അദ്ദേഹത്തിന്റെ നേതൃത്വത്തില്‍ നടന്നു.

തൃണമൂല്‍ കോണ്‍ഗ്രസ് സര്‍ക്കാരിന്റെ സമയം അവസാനിച്ചു. കൊല്ലപ്പെട്ട ബി.ജെ.പി പ്രവര്‍ത്തകരുടെ ബന്ധുക്കള്‍ക്ക് നീതി ലഭിച്ചില്ലെന്നും അദ്ദേഹം പറഞ്ഞു.

ഇവിടെ നിയമവും നീതിയുമില്ലെന്നും ഗുണ്ടാരാജാണ് നടക്കുന്നതെന്നും ജെ.പി നഡ്ഡ പറഞ്ഞു. തൃണമൂല്‍ കോണ്‍ഗ്രസ് സര്‍ക്കാരിന്റെ സമയം കഴിയുന്നതോടെ ഈ ഗുണ്ടാരാജ് അവസാനിക്കുമെന്നും അദ്ദേഹം പറഞ്ഞു.