മട്ടന്നൂര്‍: സംസ്ഥാന എന്‍ജിനിയറിങ് പ്രവേശന പരീക്ഷയില്‍ മട്ടന്നൂര്‍ നെല്ലൂന്നി സ്വദേശിക്ക് 19ാം റാങ്ക്. നെല്ലൂന്നിയിലെ ഭാഗവതം വീട്ടില്‍ എന്‍. ആകാശാണ് ഉന്നത വിജയം നേടിയത്. കോഴിക്കോട് നവോദയ സ്‌കൂള്‍ പ്രിന്‍സിപ്പലായ പി.കെ നാരായണന്റെയും ഇതേ സ്‌കൂളിലെ വൈസ് പ്രിന്‍സിപ്പലായ ഇന്ദിര വി. നായരുടെയും മകനാണ്. ഇവര്‍ ഈയിടെ റായ്പൂരിലേക്ക് സ്ഥലംമാറിയിരുന്നു. കോഴിക്കോട് നവോദയ സ്‌കൂളില്‍ 12ാം ക്ലാസുവരെ പഠനം പൂര്‍ത്തിയാക്കിയാണ് ആകാശ് പാല ബ്രില്ല്യന്‍സില്‍ പരിശീലനം നേടിയത്. എല്ലാ പരിശീലനത്തിനും അപ്പുറമാണ് അധ്യാപകരായ മാതാപിതാക്കളുടെ ശിക്ഷണം