ശ്രീനഗര്‍: ബാരമുല്ല ജില്ലയിലെ റാഫിയാബാദില്‍ സുരക്ഷാസേനയുമായുള്ള ഏറ്റമുട്ടലില്‍ രണ്ട് ഭീകരര്‍ കൊല്ലപ്പെട്ടു.

സോപോറിലെ പസല്‍പോരയിലെ ഒരു വീട്ടില്‍ ഭീകരര്‍ ഒളിച്ചിരിക്കുകയായിരുന്നുവെന്നാണ് സൈനിക വൃത്തം നല്‍കിയ വിവരം. ഭീകരര്‍ ഒളിച്ചിരിക്കുന്നുവെന്ന വിവരത്തെത്തുടര്‍ന്ന് സുരക്ഷാസേന ഇവിടം വളയുകയും തുടര്‍ന്നുണ്ടായ ഏറ്റുമുട്ടലില്‍ ഭീകരരെ കൊലപ്പെടുത്തുകയുമായിരുന്നു.

ഇവിടെ നിന്ന് ആയുധങ്ങള്‍ പിടിച്ചെടുത്തതായും സൈനിക വൃത്തങ്ങള്‍ അറിയിച്ചു.