ന്യൂഡല്‍ഹി: മുസ്്ലിം സ്ത്രീകളെ പള്ളിയില്‍ പ്രവേശിപ്പിക്കണമെന്നാവശ്യപ്പെട്ടുള്ള പൊതുതാല്‍പര്യ ഹരജിയില്‍ സുപ്രിംകോടതി കേന്ദ്രസര്‍ക്കാരിന്റെ നിലപാട് തേടി. ചീഫ് ജസ്റ്റിസ് രഞ്ജന്‍ ഗൊഗോയ്, ജസ്റ്റിസുമാരായ എസ്.എ ബോബ്്‌ദെ, എസ്.എ നസീര്‍ എന്നിവരടങ്ങിയ ബെഞ്ചിന്റേതാണ് നടപടി.
നിയമമന്ത്രാലയം, ന്യൂനപക്ഷകാര്യ മന്ത്രാലയം എന്നിവയുടെ നിലപാടാണ് തേടിയിരിക്കുന്നത്. ദേശീയ വനിതാ കമ്മീഷന്‍, മുസ്‌ലിം പേഴ്‌സണല്‍ ലോ ബോര്‍ഡ് എന്നിവയ്ക്കും നോട്ടിസ് അയച്ചിട്ടുണ്ട്. ഒരാഴ്ചയ്ക്കുള്ളില്‍ മറുപടി നല്‍കണം. യാസ്മീന്‍ സുബൈര്‍ അഹമ്മദ് പീര്‍സാദെയാണ് ഹരജിക്കാരന്‍.
മുസ്്‌ലിം സ്ത്രീകളെ പള്ളിയില്‍ പ്രവേശിപ്പിക്കാന്‍ വഖഫ് ബോഡിനും ബന്ധപ്പെട്ട കക്ഷികള്‍ക്കും നിര്‍ദേശം നല്‍കണമെന്നും സ്ത്രീ പ്രവേശനം തടയുന്നത് മൗലികാവകാശ ലംഘനമാണെന്നും ഹരജി പറയുന്നു.