പി.എസ്.സി ഫയര്‍മാന്‍ ട്രെയിനി തസ്തികയിലേക്ക് അപേക്ഷ ക്ഷണിച്ചു. പ്ലസ്ടു /തത്തുല്യ യോഗ്യതയുള്ളവര്‍ക്ക് അപേക്ഷിക്കാം. ഒഴിവുകളുടെ എണ്ണം കണക്കാക്കപ്പെട്ടിട്ടില്ല. പ്രായം:18-26. 02.01.1993നും 01.01.2001നും ഇടയില്‍ ജനിച്ചവരായിരിക്കണം അപേക്ഷകര്‍.
യോഗ്യത: പ്ലസ്ടു /തത്തുല്യം. കംപ്യൂട്ടര്‍ ആപ്ലിക്കേഷനിലുള്ള ഡിപ്ലോമ അഭിലഷണീയം. അപേക്ഷകര്‍ക്ക് നീന്തലില്‍ പ്രാവീണ്യം ഉണ്ടായിരിക്കണം. ശാരീരിക യോഗ്യതകള്‍: ഉയരം 165 സെ.മീ. (പട്ടികജാതി/പട്ടികവര്‍ഗക്കാര്‍ക്ക് 160 സെ.മീ.)
തൂക്കം50 കി.ഗ്രാം (പട്ടികജാതി/പട്ടിക വര്‍ഗക്കാര്‍ക്ക് 48 കി.ഗ്രാം) നെഞ്ചളവ് 81 സെ.മീ. (പട്ടികജാതി/പട്ടികവര്‍ഗക്കാര്‍ക്ക് 76 സെ.മീ.)
ശമ്പളം: 20,000 - 45,800 രൂപ
നിയമനരീതി: നേരിട്ടുള്ള നിയമനം. ഭിന്നശേഷിക്കാരായ ഉദ്യോഗാര്‍ഥികള്‍ക്കും സ്ത്രീകള്‍ക്കും അപേക്ഷിക്കാന്‍ അര്‍ഹത ഉണ്ടായിരിക്കുന്നതല്ല.
പ്രൊബേഷന്‍: ഈ തസ്തികയില്‍ നിയമിതനാകുന്ന ഓരോ ഉദ്യോഗാര്‍ഥിയും ട്രെയിനിങ്ങും പരീക്ഷയും പൂര്‍ത്തിയാക്കിയശേഷം ജോലിയില്‍ പ്രവേശിക്കുന്ന തീയതി മുതല്‍ തുടര്‍ച്ചയായ മൂന്നുവര്‍ഷത്തിനുള്ളില്‍ രണ്ടുവര്‍ഷം പ്രൊബേഷനിലായിരിക്കും.
ട്രെയിനിങ്: സ്റ്റേറ്റ് ഫയര്‍ സര്‍വിസ് ട്രെയിനിങ് സ്‌കൂളിലോ അതിനായി നിശ്ചയിച്ചിരിക്കുന്ന മറ്റ് ഏതെങ്കിലും സ്ഥാപനത്തിലോ ആറുമാസത്തെ പരിശീലനം പൂര്‍ത്തിയാക്കേണ്ടതും, അതിനുശേഷം പരിശീലനത്തിന് അനുശാസിച്ചിട്ടുള്ള വിഷയങ്ങളില്‍ പരീക്ഷ പാസാകേണ്ടതുമാണ്. മേല്‍പ്പറഞ്ഞ പരിശീലനത്തിനുശേഷം ഏതെങ്കിലും ഒരു ഫയര്‍ സ്റ്റേഷനില്‍ ആറുമാസത്തെ പ്രായോഗികപരിശീലനം പൂര്‍ത്തിയാക്കേണ്ടതും പരിശീലനത്തിന് അനുശാസിച്ചിട്ടുള്ള വിഷയങ്ങളില്‍ പരീക്ഷ പാസാകേണ്ടതുമാണ്.
ബോണ്ട്: ഈ തസ്തികയില്‍ നിയമിക്കപ്പെടുന്നയാള്‍ പരിശീലനത്തിനുശേഷം കുറഞ്ഞത് ഏഴുവര്‍ഷമെങ്കിലും നിര്‍ബന്ധമായും ഫയര്‍ ആന്‍ഡ് റെസ്‌ക്യൂ സര്‍വിസില്‍ സേവനം അനുഷ്ഠിക്കേണ്ടതാണ്. അതിന് കഴിയാതെവന്നാല്‍ സംസ്ഥാന ഗവണ്‍മെന്റ് നിശ്ചയിക്കുന്ന തുക സംസ്ഥാന സര്‍ക്കാരിന് ഒടുക്കാമെന്ന് കാണിക്കുന്ന ഒരു ബോണ്ട് നിയമനസമയത്ത് നല്‍കേണ്ടതാണ്.
അപേക്ഷ: കേരള പി.എസ്.സിയുടെ ഒറ്റത്തവണ രജിസ്‌ട്രേഷന്‍ പ്രൊഫൈലിലൂടെ അപേക്ഷിക്കണം. വിശദമായ വിജ്ഞാപനം ംംം.സലൃമഹമുരെ.ഴീ്.ശി എന്ന വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്. അപേക്ഷ സ്വീകരിക്കുന്ന അവസാന തിയതി നവംബര്‍ 20.